Harmony Supermarket

Den e caso di bankeronan ilegal husticia a pone beslag riba mas placa, esta 1,2 miyon florin. Unda nan a haci esaki, Ministerio Publico no kier bisa Bon Dia. Tin 4 persona cera awor, 2 homber y 2 muhe. Mañan nan lo presenta dilanti hues comisario pa dicidi riba nan detencion, si lo extende. E investigacio ainda ta andando. Te awor husticia a pone beslag riba mas cu 2 miyon florin.

Siman pasa OM a publica den su relato cu diadomingo 1 di november a haya mas cu 900.000 florin y arma, entre otro un arma di candela. Esaki despues nan a investiga 3 luga: un cas na Bushiri y dos supermercado. 4 persona a keda deteni bou sospecho di ‘underground banking’ y posiblemente den labamento di placa. Diabierna a bay den accion atrobe y a pone beslag riba e 1,2 miyon florin.

E investigacion ta den man di OM hunto cu RST, polis Aruba y FIOD.

(potret di un di e supermercadonan, momento di investigacion riba 1 november)

 

LEAVE A REPLY

Please enter your comment!
Please enter your name here