Militar Mericano a revela un video ayera, cual nan ta bisa ta mustra e Guardia Revolucionario di Iran retirando un mina sin explota for di un di e tankernan ataca cerca di e Estrecho di Hormuz, sugeriendo cu Tehran kier a sconde evidencia di su supuesto participacion den e atake.

Iran a nenga cualkier rol den e atakenan diaranson, cual un biaha mas a sacudi Golfo Persa entre tension escalante entre Tehran y Washington, tocante e acuerdo nuclear cu podernan mundial.

Cuatro tanker di petroleo pafo di e ciudad puerto Emirati di Fujairah a sufri atakenan similar den simannan recien, y rebeldenan aliado na Iran for di Yemen a ataca e aliado di Merca, Saudi Arabia, cu drone y misil.

Operadornan di e barco no a ofrece un splicacion di kende por a ocasiona e daño contra MT Front Altair, di Noruega, y Kokuka Courageous di Hapon.

Riba e video, supuestamente ta mira un boto di e Guardia Revolucionario di Iran ta acerca e Kokuka Courageous pa 4.10pm. E persona abordo ta gara unda por mira riba e potret cu tin e mina. Despues nan ta sigui bay.

Den un declaracion di su mision na Nacionnan Uni, Iran a acusa Merca di escala tension. “E guera economico Mericano, y terorismo contra pueblo Irani, como tambe su presencia militar masal den e region, ta y ta continua di ta e fuentenan principal di insiguridad y instabilidad den e region amplio di Golfo Persa, y e menasa mas significativo na su paz y siguridad.”

Na Tokyo, doño di Kokuka Courageous a bisa cu su mariniernan a mira ‘obhetonan bulado’ prome cu e atake, sugeriendo no ta trata di mina cu a causa e daño.

Diabierna, presidente Hapones, Shinzo Abe, kende tabata di bishita na Tehran, a condena e atake como un menasa pa nabegacion sigur. Abe a bisa reporteronan cu el a informa Trump via telefon tocante su biahe, pero no a duna detaye, excepto pa bisa cu Trump a gradici e pa purba desescala e tension den e region, y cu e tin plan pa sigui coopera cu Merca.

 

LEAVE A REPLY

Please enter your comment!
Please enter your name here