Despues cu sindicato STA a reuni cu Air Navigation Services Aruba (ANSA) y mediador di gobierno diahuebs mainta, e sindicato ta convenci cu lo bay yega otro riba un contracto colectivo nobo (CAO). Esaki Diego de Cuba ta bisa.
Un grupo di trahado a protesta pafo di e oficina di mediador pa mustra nan malcontento. Nan no tabata trabou na e toren di aeropuerto pasobra tabata trata di empleadonan cu tabata liber. Pero segun STA esaki si a lanta e gerencia di ANSA for di soño cu e trahadonan tin balor tambe. Di otro banda awor e sindicato ta consciente cu e director mester duna cuenta na hunta di supervision y finalmente minister.
Den e negociacion riba e CAO, e partidonan tabata leu for di otro. E sindicato ta pido 40% mas salario pero gerencia no kier duna mas cu 10%. Pero awor sindicato ta expresa cu ta yegando otro pa keda cla cu e contracto colectivo nobo prome cu aña a bolter. Otro siman diahuebs lo sigui e negociacion.
