Medicamente conoci como “otitis acute media”, e infeccionnan di e oido por causa varios sintomanan, cu ta inclui kentura, dolor di oido y dificultad pa scucha. Esaki ta e sintomanan por varia entre adultonan y muchanan.
E sintomanan comun di un infeccion di oido ta inclui :
Dolor den e oido of sensacion di “plenitud” den e oido
Dolor di cabes
Si ta bon e adultonan tambe por contrae infeccionnan di oido, nan ta mas comun den e muchanan debi na cu e mucha tin trompanan di Eustaquio mas cortico ( cual ta e tubonan cu ta conecta e oido medio ) y ta resulta nan mas dificil pa saca e likido para den e oido. “Mas di e 50% di tur e muchanan cu infeccionnan di oido ta experimenta kentura”, ta bisa Douglas Hildrew, specialista den e oido, nanishi y garganta di Yale Medicine.
Sintomanan di un infeccion di oido
E sintomanan di e infeccion di e oido por varia segun e edad. Pero e no ta raro cu e personanan tin kentura ora tin un infeccion di oido pasobra e kentura ta parti di e respuesta inmunologico di e curpa pa mata e germenenan y combati e infeccionnan.
Sintomanan di infeccion di oido den muchanan
Dolor di oido, den particular ora di ta na soño
Dificultad pa scucha
Perdida di ekilibrio
Kentura riba di 100 F
Likido ta sali for di e horea
Dolor di cabes
Perdida di apetito
Sintomanan di infeccion di odio den adultonan
Kentura
Dolor di oido
Perdida di audicion
Sensacion di plenitud den e oido
Likido ta sali for di e horea
Kico ta causa infeccion den e oido?
Ora tin un infeccion di oido, e oido medio diariamente ta yena cu pus, loke por eherce e presion sobre e timpano y e oido medio y por causa hopi dolor.
“E berdadero infeccionnan di e oido ta casi uniformamente bacterianan. Por lo general, ta pasa pasobra e bacterianan ta introduci den e oido medio”, ta bisa Hildrew.
Sin embargo, e alergianan y e infeccionnan viral como e griep tambe por provoca e dolor den oido y acumulacion di likido. E causa di e infeccionnan di e oido por varia entre e adultonan y muchanan, pero esaki ta e culpanan mas comun :
Causanan di un infeccion di oido
Bacterianan : cierto tiponan di bacterianan por causa infeccionnan di oido. E muchanan ta suele di contrae infeccionnan bacterianan di e oido pasobra e structuranan den e oidonan no ta completamente desaroya, loke ta facilita cu e bacterianan ta biaha desde e nanishi na e oidonan, loke ta resulta den un infeccion di oido, segun Hildrew. “E adultonan tambe por contrae infeccionnan di oido door di bacterianan cu ta biaha na su oidonan a traves di e nanishi, pero e ta menos comun”, e ta bisa.
Virus : e virus cu ta causa refriado of griep tambe por provoca e dolor do oido. Segun Hildrew, e infeccionnan viral di tracto respiratorio superior ta causa hinchason e inflamacion den e parti posterior den e nanishi, loke por blokia e oido y provoca alteracionnan di e presion incomodo den e oido medio. “Hopi di nos tin experiencianan cu e sintomanan aki, ya cu e biahenan den e avion cu frecuencia ta causa e mesun tipo di dolor, aunke a traves di un mecanismo diferente, durante e descenso y e aterisahe”, ta bisa Hildrew.
Alergianan : al igual cu e infeccionnan viral,e alergianan tambe por provoca dolor di oido pasobra nan por causa hinchason of blokeo den e oido, loke ta resulta den e acumulacion di likido den e oido medio.
E infeccionnan di oido den su mes no ta contagioso. Sin embargo, e resfriado of e infeccionnan viral cu ta provoca infeccionnan di oido si e ta.
Con pa trata un infeccion di oido ?
E infeccionnan di oido por wordo trata cu antibiotico si e ta necesario, ta bisa Hildrew. Si ta bon hopi di e casonan di infeccionnan di oido den adultonan por mehora di su mes sin antibiotico, na e muchanan por recetanan antibioticonan, segun su sintomanan y e gravedad di su afeccion.
Segun Hildrew, e sintomanan generalmente ta resolve of ta mehora significativamente dentro di e 48 na 72 oranan : ta recomenda cu e muchanan y adultonan consulta na un medico si e infeccion no ta mehora den 48 a 72 ora. “Esunnan cu sintomanan cu ta dura mas di 48 na 72 ora generalmente ta rekeri antibiotico pa su resolacion”, ta bisa.
Remedinan casero pa un infeccion di oido :
Cayente of frio : Lora un saco di ijs den un compres cayente of un serbete y pone den e oido infecta.
Posicion eleva pa drumi : agrega un of dos cusinchi adicional abou di e cabes ora ta drumi y evita drumi di e mesun banda cu e oido infecta, pa alivia e presion dentro di e odio.
Medicamento pa alivia e dolor : tuma un analgesico di benta liber : lo yuda reduci e dolor di oido y ta baha e kentura.
Si bo infeccion di oido ta e resultado di otro causanan, manera un infeccion viral, alergianan of traumatismo den e oido, bo medico tambe por receta un tratamento pa e afeccion subcayente.
Pa hiba manera informacion privilegia
E infeccionnan di oido ta debe cu frecuencia na bacterianan cu ta haci cu e oido medio ta yena cu pus, provocando e dolor y presion.
Si bo persona of bo yiu tin kentura como resultado di un infeccion di oido, descansa y mantene bo mes hidrata lo yuda combati esaki. Tambe por tuma medicamentonan como Tylenol,Motrin of Advil si e kentura ta causa hopi molestia.
Den ultimo instancia, e ta miho preveni e infeccionnan di oido prome cu nan cuminsa. Un di e prome pasonan pa preveni e infeccionnan di oido ta evita e quitip, ta bisa Hildrew.
“Hopi personanan ta trata di mantene e horeanan limpi cu un quitip, pero esaki den realidad por ta bastante dañino. E quitip por rasca of lastima e cuero di e canal auditivo. Tambe por pusha e cera mas profundo den e canal auditivo, haciendo e mas probabilidadnan di crea un infeccion” Hildrew ta bisa.
