Recientemente por a mira rond mundo varios potret di un cometa nobo den nos shelo, esta Neowise. Segun Space and Nature Aruba, e cometa aki lo ta visibel awe nochi.
E cometa ta birando cada bes mas briyante, haciendo mas facil pa mir’e sin mester di verrekijker of telescop. Siman pasa, e tabata visibel hopi abou den horizonte di Aruba, apenas 4 grado den shelo nort oriental, y net prome cu salida di solo entre 5am y 6am. Despues, luz di dia tabata hacie imposibel pa mira e cometa.
A partir di awe, e cometa lo ta visibel den shelo nort occidental net despues di bahada di solo, alrededor di 7:30pm, te mas o menos mita di augustus. E cometa lo alcansa su punto mas cercano na Tera dianan 22-23 di juli proximo.
Potret di Space and Nature Aruba.
