Despues di reconoce cu e tabatin un relacion ilicito cu August Alsina durante un crisis breve cu Will Smith, un persona cercano na e pareha a filtra informacion na prensa tocante e affaire cu e actriz a tene cu e rapper hoben.

El a afirma cu Jada Pinkett Smith a ‘destrui’ su ex-amante, ken pa añanan a keda den silencio, y cu a haci su romance publico pa publicidad.

Na cuminsamento, e representante di e pareha di Hollywood a bisa cu e afirmacionnan di Alsina tabata ‘absolutamente falso’. Pero diabierna, Jada y Will a admiti publicamente cu nan a separa secretamente pa un tempo algun aña atras, y cu Jada a tene unr elacion amoroso cu August durante e tempo ey. Den su programa di Facebook Watch, ‘Red Table Talk’, cual tin 7.1 miyon siguido, e actriz di 48 aña di edad a revela cu el a bay den ‘un relacion’ cu e rapper, 21 aña mas jong cune, y ken el a conoce pasobra e tabata amigo di su yiu homber Jaden, pero cu no a considera esaki un ‘transgresion’ na su matrimonio pasobra e y Will tabata separa na e momento ey.

Durante un entrevista cu Angela Yee den e programa ‘The Breakfast Club’, August, di 27 aña di edad a revela cu e affaire cu el a tene cu Jada no tabata secreto. “Mi a entrega totalmente na relacion ey durante añanan di mi bida, y mi stim’e di berdad.”

Pero un actriz di Hollywood, amiga intimo di e pareha Smith, a critica e pareha bisando Page Six cu Jada ta presenta esaki awo den su programa como un ‘strategia’.

E fuente cercano a bisa: “Bo por mira August y sinti su dolor. Bo por scucha den su palabranan cu e ta purbando di bisa su berdad mientras ta protege e pareha Smith”, agregando, “Ki tipo di asesoramiento ta dunando unda el a sinti cu tabata dunando tur cos na un relacion cu a lag’e devasta y herida? Bo no a yud’e, bo a yuda destrui e.”

August a afirma cu el a dicidi di kibra su silencio unicamente pasobra e kier laga na cla cu e no ta kibra un hogar. En realidad, den su opinion, e ta esun cu a sali mas perhudica. “Mi a perde placa, amistad… Y mi ta kere ta pasobra hende no sa e berdad, pero mi no a haci nada malo”, August a insisti. “Tur esaki a destrosa mi. Probablemente tabata lo mas dificil cu a pasa den henter mi bida.”

 

LEAVE A REPLY

Please enter your comment!
Please enter your name here