SVb no ta mira espacio pa sigui baha gasto pa sanea fondo di seguro di malesa

director SVB Edwin Jacobs

Fondo di seguro di malesa a yega di pasa den diferente desaroyo  y cambionan den pasado cu a pone cu e fondo aki administra pa Banco di Seguro Social (SVb) a keda draai cu perdida cu ta wordo cubri dor di fia placa dor di otro fondonan.
E situacion aki ta trece cun’e cu e patrimonio di e fondo di seguro di malesa ta negativo. Aña pasa el a registra 100 miyon florin den cora.  E situacion aki ta trece cun’e un riesgo pa financia publico ya cu -segun lei- pais Aruba ta para garantia pa e fondonan cu SVb ta maneha. 

Durante e ultimo dianan a wordo teni reunion na Gobierno y Parlamento pa mira con lo por atende cu e fondo aki, ya cu riba su mes e no ta produci suficiente y e ta keda den deficit. Den combersacion cu Bon Dia Aruba, director di SVb, sr. Edwin Jacobs a bisa cu nan a haci un analisis pa wak kico ta e posibilidad pa nan por sanea e situacion financiero di e fondo, y ta basicamente dos parti: Aumenta e entrada cu ta nifica ya sea aumento di prima y/of aumento di e “premieloongrens”. E otro ta esun di baha e gastonan. 

Baha gasto
Un pensamento eroneo cu sr. Jacobs a aclaria ta esun cu e fondo aki ta den problema debi na e cantidad di hende cu ta bay AO.  El a indica cu locual nos tin riba indice di incapacidad cu e fondo ta compensa e ta bou 3%.
Na 2014 te hasta a wordo registra un tasa historicamente hopi abou y no solamente e aña aki tambe.  Fei hopi aña caba e tasa di incapacidad cu ta wordo cubri pa e fondo ta bou 3%, segun sr. Jacobs.

“E ta nifica e ora cu pa bo baha gasto cu bo mester reduci e beneficio di asegurado”, segun sr. Jacobs. E ta mira cu e ehercicio aki ta hopi dificil pa haya sosten social pa esey. Pues pa parti di baha gasto, SVb no ta mira espacio pa saneamento di e fondo di malesa.
 

 

You May Also Like

image.jpeg

Brindis Bon Dia Aruba, celebrando awe 25 aña di existencia

Awe mainta e team di Bon Dia Aruba a tene un brindis celebrando 25 ...

Ley di parke marino y 17 area protegi na Conseho Consultativo

E ley pa proteha 17 areanan, cual originalmente tabata 16, actualmente ta na Conseho ...

Schwengle.jpg

‘Departamento di Higiena mester planta respet pero no negativo’

Minister Alex Schwengle a destaca e trabou y balor pa salud publico di e ...

Gamez: Semper a existi un integracion entre Aruba y Caribe Colombiano

Awe e comunidad Colombiano na Aruba te celebra e di 207 aniversario di independencia ...

Boekhoudt huramenta (1).jpg

Alfonso Boekhoudt a huramenta dilanti Rey

Diaranson Alfonso Boekhoudt a huramenta como gobernador nobo di Aruba, dilanti Su Mahestad Rey ...

Maneho nobo di Dimas lo encera traspaso di estadia turistico pa Iasa

Minister di Husticia y Integracion Andin Bikker (POR) conhuntamente cu directornan di Dimas y ...