Tin un tanker para panort di Aruba y no ta den nos awanan territorial, pero cu a pidi Aruba yudansa.  

Nan a pidi Aruba pa nan por drenta pa asina nan haya yudansa debi cu nan tin algun persona cu ta riba e barco cu tin sintoma di COVID.

E barco a sali for di Trinidad and Tobago y mester a pasa Aruba bay , pero debi cu nan tin hende malo cu sintomanan di COVID a pidi Aruba pa nan drenta pa asina nan haya asistencia medico.

Si Aruba laga e personanan aki drenta Aruba lo mester carga cu tur e gastonan y ta responsabel pa e hendenan aki. Sinembargo Aruba mes ta den su piek di casonan di COVID na Aruba y hospital ta den un situacion cu no por carga mucho mas.

Sinembargo crisis team y gobierno ya caba ta na altura y crisisteam a avisa e tripulantenan cu Aruba no lo por yuda den e caso aki, mirando e situacion cu tin actualmente. Pa e motibo aki mes Rino Hermans di Crisis Team no a duna permiso pa por yuda e dos personanan aki riba e tankero.   E barco tambe  por tuma contacto cu su agencia pa busca un solucion of nan lo mester  sigui dilanti y yega nan destino,  nan port, cu nan mester mara normalmente. Den situacionnan asina ta hopi dificil pa Aruba mes miranto cu Aruba mes ta luchando pa atende cu tur hende cu di Aruba cu mester di ayudo. Despues cu nan a haya e advies cu no por ta posibel e tanker lo mester a sigui su rumbo si tur cos ta bon.

LEAVE A REPLY

Please enter your comment!
Please enter your name here