Teen Dating Violence: colaboracion pa conscientisa hoben riba violencia domestico

Fundacion pa Hende Muhe den Dificultad ta trahado riba un proyecto conhuntamente cu otro partnernan den enseñansa y asuntonan social pa conscientisa hobennan di scol secundario riba comportacion den relacionnan. Teen Dating Violence lo ta un proyecto cu ta envolvi diferente instancia y departamento pa crea miho puntonan di meld pa casonan di violencia bou hobennan.

Ayera atardi Bon Dia Aruba tabata presente na un presentacion duna conhuntamente entre Departamento di Asunto Social (DAS), Fundacion pa Hende Muhe den Dificultad (FHMD) y otro partnernan manera IPA cu Stichting Voor Geestelijke Gehandicapten (SVGA) pa papia hunto riba e programa di Teen Dating Violence cu ta den proceso di wordo ehecuta.

E charla a encera cu e diferente instancianan cual tabata inclui tambe representantenan di Departamento di Enseñansa a pone cabes hunto pa evalua e manera con lo bay ehecuta e programa di conscietisacion Teen Dating Violence.

Palabracionnan durante sesion

E programa ta encera cu lo duna diferente presentacionnan riba violencia domestico pa asina hobennan den enseñansa secundario wordo conscientisa riba e topico. Asina por percura cu hobennan ta haya den prome fasenan unda ta wordo envolvi den relacion cu otro hobennan e informacion necesario pa evalua kico ta comportacion aceptabel y cua no.

Durante e presentacion instancianan a trece nan preocupacionnan dilanti pa cierto parti di e programa cu lo posiblemente ta ‘mucho pisa’ pa trata den sesionnan di 1 ora y mei. Ademas tabatin papia con lo bay evalua cua tipo di persona – sea docente of un persona specifico – cu lo bay duna e charlanan.

A wordo nota cu personanan cu ta duna e charlanan mester ta prepara emocionalmente pa cualkier topico cu lo surgi y tambe lo mester tin hopi empate pa asina tin comprendemento pa hobennan pasando den situacion dificil. Tambe a subraya cu punto di e proyecto aki ta pa diferente instancianan tin mas envolvimento cu otro, pues no ta bay exigi di un docente pa ta tanto psicologo como trahado social – casonan lo bay wordo traspasa pa departamento di Asuntonan Social. Di e manera aki lo tin mas puntonan pa meld casonan cu lo por wordo trata pa profesionalnan gubernamental of di fundacion.

Magaly Maduro, coordinado di e fundacion a splica e importancia di e proyecto aki pa hobennan cu hopi biaha ta haya problema cu parehanan despues cu ta kibra cu otro. “Hobennan sa haya nan mes den situacion ora ta kibra cu otro unda un di e personanan no ta acepta cu ta kibra cu otro. Y esaki ta yega hopi biaha na conducta violento of inapropia manera persiguimento riba medionan social entre otro.”

Bon Dia Aruba a trece dilanti cu podise lo ta bon idea pa envolvi personanan cu por conta di nan experiencia pa asina hobennan sinti nan mes mas habri pa comparti cualkier experiencia cu nan a of ta pasando den dje. FHMD a tuma nota di esaki, mirando cu no a considera esaki anteriormente, pero en berdad Suzy Kock presidente di e fundacion a reconoce cu e fundacion tin hopi ‘survivors’. Aunke no tur persona cu ta pasa den violencia domestico ta cla pa papia di esaki, tin persona cu si ta dispuesto pa haci’e.

Es mas, sra. Kock a expresa cu lo por envolvi e organisacion Voz di Hubentud di Corsou, cual a mira diferente persona cu a bin dilanti publicamente cu storianan personal di violencia domestico y te hasta traficacion humano.

You May Also Like

Lo bay corte si no cumpli awe cu deadline di e convenant

Sindicato SADA kier reacciona riba e situacion rond di e convenant cu a wordo ...

4juliNP nutritivo di producto (1).jpg

Nadien Phillip: Come local y segun temporada ta duna mas balor nutritivo na consumido

Come cuminda segun tradicion local, produci local y segun temporada ta mas miho pa ...

Microalgae Pilot Plant cu apertura oficial

Recientemente a tuma luga e apertura oficial di e proyecto di cultivo di microalgae. ...

Hobennan sin paspoort: con proyecto Dreamers lo yuda nos?

Dos siman pasa Bon Dia a entrevista dos hoben cu ta sinti cu nan ...

A3 18nov aruparking existencia.jpg

Area di hotel grandi lo conoce parkeer meter te otro aña

ORANJESTAD – Te otro aña parkeer meter ta cuminsa funciona den e area hotelero. Minister ...

‘Laga e-commerce cuminsa existi na Aruba’

Randall Croes kende ta miembro di e directiva di Camara di Comercio y Industria ...