Trahadonan di ANSA (departamento control trafico aereo) a manifesta dilanti oficina di mediador di gobierno. Nan kier mustra nan mal contento contra e director Nilky Kock cu segun nan no ta cualifica pe trabou. E trahadonan a bay protesta na e oficina di mediador pasobra nan no ta contento tampoco cu e mediador. Sindicato STA kier tene un referendum pa wak cuanto trahado tin confiansa ainda den e director. Pero segun e sindicato mediador a rechasa e peticion pa tene un referendum.
Mediador Anselmo Pontilius den un reaccion na NoticiaCla.com, ta mustra cu e unico forma pa tene un referendum ta ora cu un sindicato pidi reconocemento den un compania como representante di trahado. Den e mesun articulo Diego de Cuba a contesta cu nan lo organisa algo riba nan mes.
