Trainer personal di Adele na London, Pete Geracimo, a papia tocante e polemica impulsa pa e transformacion fisico di e cantante Britanico, Adele, ken por a perde mas di 50kg sometiendo su mes na un dieet estricto.

E imagen nobo impactante di Adele a yega diamars ultimo cu motibo di su di 32 cumpleaños, cuando el a post riba Instagram un potret den cual e tabata bisti un shimis cortico preto, mustrando practimente ireconocibel.

Ta desalentador pa lesa comentarionan negativo y acusacionnan di ‘gordofobia’ cuestionando e autenticidad di su perdida increibel di peso. Durante mi experiencia personal trahando cune, el a pasa den hopi ‘ups and downs’ y semper a hacie na su ritmo y den su propio termino”, segun Geracimo den su largo publicacion, compaña di un potret di e cantante den un pool.

“Nunca el a menosprecia e talento cu Dios a dun’e, ni el a reduci su mes na un cantante cu ta expone su curpa of ta e muhe mas sexy pa bende album. E ta laga su voz papia, maske miho mi mester bisa, canta! E nunca a pretende di ta algo cu e no tabata. Locual bo a mira ta locual bo tabatin. Y nos tur tabata encanta”, e trainer personal a continua. Geracimo a splica cu na momento cu el a cuminsa traha cu e cantante, e intencion nunca tabata pa e termina ‘super flaco’ sino pa e ta ‘mas saludabel’.

“Mi no por ta mas orguyoso y mas contento p’e! E metamorfosis aki no ta pa bende album, publicidad of converti den un role model. E ta haciendo e pa su mes y pa su yiu Angelo”, Geracino a destaca. “Tempo cu ami y Adele a cuminsa nos biahe hunto, nunca tabata cuestion di ta super flaco. Tabata un cuestion di ta saludabel. Specialmente despues di embaraso y despues di cirugia. Na momento cu el a lansa ‘25’ y a anuncia si tour, nos mester a prepara pa alrededor di diestres luna agotador. Na e momento ey el a cuminsa train y cambia su forma di come. Como resultado, el a perde bastante peso y hende a ripara. Tur tabloide a comenta riba su transformacion. E atencion cu el a genera tabata halucinante”, el a sigui.

“Desde cu el a muda na Los Angeles, henter mundo sa cu el a biba momentonan personal dificil. Ta na normal pa cana cu cambionan na un ‘ami’ nobo y el a compromete cu su estado fisico”, el a insisti.

E cantante Britanico, ken awo ta biba na Los Angeles, a divorcia di Simon Konecki, cu ken e tin un yiu homber, un aña atras. Ta pensa cu Adele tin plan pa lansa un disco nobo na september e aña aki, pero e artista ainda no a confirma esaki.