ORANJESTAD – Recientemente, Bon Dia Aruba a tene un entrevista cu Lionel Rumnit di Stichting Trampolin pa trabou, kende a splica e dificultad cu no ta mucho persona sa di oportunidad cu nan por ofrece.
Tin persona cu na Aruba a yega di perde nan pia, man, brasa, of cualkier parti di nan curpa. Te hasta nan bista. E parti di e comunidad aki ta keda na cas pa motibo di berguensa, of nan no sa con pa acerca trampolin.
Segun Rumnit, tin cu sa, pero no conoce mucho bon, pues ‘e ta keda un problema’. E ta splica cu e manera con ta laga hende sa cu nan t’ey ta riba medionan social, pero toch tin un parti cu no sa. “Nos a haci presentacion di assistentnan di dokter di cas. Na e organisacion por a nota cu e animo tabata asina grandi, cu nos a invita varios hende pa atende charla. E topico di trampolin of persona cu limitacion tin un bon acogida.”
Sinembargo, Rumnit ta splica cu ta positivo pa assistent di dokter por duna conseho si nan ripara cu pashent of un mama di pashent cu a wordo diagnostica cu autismo of down syndroom. “Hopi biaha, no por bisa nan nada anto e famia ta bay cas tristo. Awo, esunnan cu tin pakete di cualkier fundacion por duna mayornan como un sosten. E ta un mal noticia, pero cu e sosten por yuda, en bes di bay cas cu un tristesa manera di, kico ta bay haci awo.”
E ta remarca cu nan lo sigui wak e caminda con pa yega na e hendenan, pa nan tin e informacion corecto di e fundacion, agregando si cu tin un lista di espera (wachtlijst) pa yega. Pa locual ta trabou, e ta bisa cu tin algun proyecto cu ta bendiendo cuminda mas interno pa nan organisacion Sonrisa, cu ta 31 mucha, pa nan cushina henter e luna.
Segun Rumnit, tin mas peticion pa cushina pa mas trai merdia. Pa e motibo aki, e cantidad di cuminda lo bay subi. E ta remarca cu nan por ‘handle e basta bon si nos haci e den dos ploeg, y e ta un reto leuk cu ta duna e trabou entrada’.
Nan por practica nan habilidadnan, y den un trabou por tin otro actividadnan cu por yuda. “E importante pa nan ta keda activo, pa nan haci cosnan nobo. Nan autoestima ta bira mas grandi y nan tin mas confiansa. E confiansa ta e sentimento importante di siguridad. Saca haci mas di nan talento, e ta bon pa evita nan cay den depresion.”
Rumnit ta bisa unabes hende ta traha, e ta bira mas social si nan kier of no. Nan tin cu ‘interactua cu nan colega’. Ta habri nan cosnan y siña cosnan nobo di un otro manera. Nan ta haya chens pa laga otro wak di nan mesun pensamento, ‘nan ta wak mundo hopi otro cu nos’
E diferencia cu na Hulanda segun Rumnit, ta cu nan ta biba bou di un guia. Hende ta wak pa nan un biaha pa siman si tur cos ta regla, manera pago di cuentanan, cas limpi, nan ta yuda cu cosnan basico, pero casi un bida normal, ‘nan tin nan mesun bida’. Apart di nan mayornan, di e manera aki no ta stroba nan bida.
Di e forma aki, Rumnit ta bisa cu nan ta haya e oportunidad di desaroya nan mes. E ta agrega cu mayornan por malcria, y ta pone cu e mucha/ hoben/adulto no ta crece of desaroya manera mester ta den casonan asina.
Segun Rumnit mester wak e balansa. E ta bisa cu tin mas fundacion cu por yuda si den caso e persona no ta apto pa bay traha, pero asina e por participa den otro cosnan cu keda cera na un cas. “E sistema ta cu ta keda controla, e ta keda paso e luga ta limita, tanten mi ta kere nan tin potencial pa bay traha, e ta keda na trampolin. Sea nan tin balor adicional pa keda paden of bay traha un trabou pafo.”
Sinembargo, Rumnit ta bisa cu ripara si cu tin cliente ta bin cerca trampolin, pero nan nivel ta mas halto. Tin cu a bay colegio of studia, pero cualkier circunstancia ta haya awo cu limitacion, por ehempel, por ta ciego of sordo. Trampolin ta un nivel mucho abou pa nan. Pa e motibo aki, no por adapta na su clientenan. E persona por traha, y Rumnit tin contacto regular cu e cliente y e compania pa controla den e proceso; no necesariamente mester ta na trampolin.
Segun Rumnit, tur cos ta tuma tempo, tambe mester tin pasenshi pa splica tur cos bon. “Bo por haya un cliente cu ta traha bon awo, pero por faya despues. E ta tuma nos tempo pa cuminsa cana. E no ta bon pa nan cuminsa di biaha. E ta haya algun tempo pa fula tera, y wak prome cu bisa cliente bay traha.”
Rumnit ta remarca cu e lo kier pa companianan cu tin trabou cu no ta rekeri hopi estudio, pa nan tambe sa kico e ta. Pa e compania ta mas habri, experimenta cu algo pa duna oportunidad. “Pa nan bin cu proyecto bon hinca y ta dunando trabou, asina e por wak experiencia di con e lo bay si e traha cu un grupo di persona cu limitacion. Den e proceso, e persona lo ser mas conoci cu clientenan. Y si nan haci e bon, nan ta keda satisfecho pa purba un biaha mas.”
El a bisa cu e personanan mester ta habri y creativo, pa nan keda traha cu e clientenan. Nan mester tin e balentia y durf di nan compania. “Nan por acerca na ami pa cualkier pregunta. Mi tin e experiencia di locual mi ta haci. Ami ta kere e lo logra, esey ta mi pensamento.
