(NLTimes) – Universidadnan ta usa educacion online cada biaha mas como un metodo pa corta e gastonan na luga di usa esaki como un medida di prevencion di infecicon di coronavirus, unionnan di scol ISO y LSVb a bisa na BNR.

E unionnan aki kier pa e Ministerio di Educacion pone limite na e uso di educacion online pa preveni cu Teams of Zoom bira un normalidad den e futuro.

Studiantenan cada biaha ta bisa ISO cu nan ta ricibiendo mas y mas conferencia y les online aunke cu educacion en persona ta posibel bao di restriccionnan di COVID. “Por ehempel, pa causa di problema di capacidad of pa studiantenan cu ta den exterior por sigui lesnan mas facil,” presidente di ISO Lisanne de Roos a bisa na e noticiero. “Eora bo ta abusando di e crisis di coronavirus.”

LSVb su president Ama Boahene tambe a trece dilanti preocupacionnan. “No ta semper algo malo cu mas educacion ta ser duna online,” Boahene a declara. “Pero si ta haci esaki pa spaar tempo, placa of espacio, nos ta haya esaki indeseabel.”

ISO kier pa minister Robbert Dijkgraaf di Educacion implementa un metodo y structura pa determina ki ora educacion online lo ser permiti.

E organisacionnan encarga cu institucionnan di educacion mas halto a conta BNR cu e crisis di coronavirus berdaderamente a acelera e transicion na educacion online, pero solamente ta haci uso di esaki fuera di lockdown ora cu e ta cumbini e calidad di educacion. “E utlimo dos añanan a demostra e bon banda di educacion online,” Jos Steehouder, vocero di e Association of Universities of Applied Sciences, a bisa e noticiero.

Institucionnan di educacion mas halto no ta hopi emociona tocante un structura cu lo determina ki ora educacion online lo por ser usa. E universidadnan no ta considera esaki deseabel, Ruben Puylaert di Universities of Netherlands. “E ta miho pa e conferencistanan y programanan di estudio pa tuma e decision aki nan mes.” Association of Universities of Applied Sciences a bay di acuerdo cu e conferencistanan ta hopi mas miho posiciona pa tuma e decision aki y crea e structura, mas cu e parlamentarionan of ministernan.”

LEAVE A REPLY

Please enter your comment!
Please enter your name here