Diasabra ultimo, Uruguay a registra su prome morto pa coronavirus na e pais. Ta trata di ex-minister di Corte Electoral, Rodolfo Gonzalez Rissotto.

Asina Sistema Nacional di Emergencia Uruguay a confirma riba su cuenta di Twitter ora nan a precisa cu e tabatin 71 aña.

Gonzalez Rissotto, durante un largo carera den politica, tabatin vinculo cu e partido oficialista Nacional. Despues el a haya e funcion di director nacional di Educacion y sub-secretario y minister di Defensa durante e presidencia di Luis Alberto Lacalle, tata di a e actual mandatario, Luis Lacalle Pou. Ademas, na 1996 y 2010 e tabata minister di Corte Electoral, segun e diario di Montevideo El Observador a recorda.

E presidente a referi su fayecimento riba su cuenta di Twitter. “Un fuerte brasa pa su famia y amigonan, amigo y consehero”, el a publica.

Gonzalez Rissotto tabata un di e nuebe pashent di coronavirus interna den cuidado intensivo.

Den e dianan aki, un grupo di empresario a recauda 3 miyon dollar pa colabora den e lucha contra coronavirus na e pais.

E iniciativa, cu a cuminsa a traves di un campaña na rednan social na nivel nacional, tabatin e obhetivo di reforsa e sistema sanitario cu e donacion di material medico. Awor a amplia nan obhetivo y lo sigui recauda fondo.

Di biaha e idea a surgi pa e campaña #Noscuidamosentretodos cu a pone den marcha y den 48 ora a reuni un miyon di dollar. Poco dia despues a haya tres miyon. Dies dia despues nan a keda sorprendi cu e resultadonan, su obhetivo ta pa yega 5 miyon. Cu e placa ey nan lo pretende cumpra kit y test di diagnostico, material medico y respirador cu e obhetivo di reforsa e sistema sanitario di su pais.

LEAVE A REPLY

Please enter your comment!
Please enter your name here