VENEZUELA: Union Europeo a yega na acuerdo pa mas sancion

E paisnan di Union Europeo (UE) a yega na un acuerdo pa adopta sancion nobo contra Venezuela, despues di e eleccion presidencial cu nan no ta considera creibel, y a pidi pa tene eleccion nobo “liber y transparente.”

Union Europeo a bisa den un declaracion conhunto di e ministronan di asunto exterior, cu nan ta pensando riba medida restictivo reversibel adicional, cu no lo perhudica e poblacion Venezolano , pa ken Union Europeo ta desea di alivia e situacion dificil. “

Reuni na Bruselas, e canciyernan di e Union asina a duna luz berde pa e adopcion di medida nobo, pa cual ta supone cu ta trata di un lista di persona implica den e celebracion di e eleccion, aunke no ta anticipa cu lo duna di conoce e nombernan oficialmente prome cu nan proximo reunion, na juni.

E canciyer Spaño, Alfonso Dastis, a splica na su yegada na e encuentro cu e obhetivo di e reunion tabata pa pone e procedimentonan cana pa amplia e circulo di persona afecta pa e medidanan restrictivo, despues cu UE ya a sanciona siete funcionario halto di e regimen.

Den e declaracion di ayera e ministronan ta subraya cu e ultimo acontecimentonan na Venezuela “a aleha ainda mas di e posibilidad di un solucion negocia constitucional, cu ta garantisa respet pa democracia, estado di derecho y derechonan humano.”

E paisnan a lamenta cu a pesar di “numeroso yamamento” di e actornan politico nacional y di comunidad internacional, incluyendo Union Europeo, a tene eleccion presidencial mas tempran, sin un acuerdo tocante fecha o e condicionnan, y den circunstancia cu no a permiti participacion di tur partido politico a base di igualdad.

UE a pidi tambe pa reconoce independencia di tur e institucionnan elegi democraticamente, especialmente Asamblea Nacional, e liberacion di tur preso politico, e defensa di estado di derecho, derecho humano y e libertadnan fundamental.

E ministronan a reitera ademas e apoyo Europeo na Venezuela pa “yuda haya un salida democratico pa e actual crisis multidimensional,” como tambe pa e situacion humanitario, y a sigura cu UE lo mehora “su alcance diplomatico.” 

You May Also Like

Formador di gobierno no ta kere cu reparticion di cartera por bira un problema pa coalicion

Lider di MEP, Evelyn Wever-Croes a informa riba algun desaroyo nobo den su tarea ...

Segun minister, lo por cera restaurant Boca Prins permanentemente

ORANJESTAD – Diaranson siman pasa a cera e restaurant Boca Prins, cu ta keda ...

InselAir ta kita 250 trahado y kier cera oficina na Aruba

InselAir kier kita 250 trahado y tambe kier cera e compania na Aruba. Ayera ...

4jul, NW, javier wolter (1).jpg

Javier Wolter: Diesocho empleado di siguridad di diferente instancia bancario a gradua

Un grupo di 18 empleado di siguridad di diferente instancia bancario a participa na ...

4543.jpg

The Fashionably Late by Aishly Tromp

Aishly Tromp is a 26 year old girl born and raised in Aruba. Growing ...

OM: 300 Kilo di Cocaina confisca na Barcadera

Bao guia di Ministerio Publico di Aruba, e Unidad di Criminalidad Organiza di Cuerpo ...