FBI a faya di cumpli cu su propio politicanan pa sigura veracidad di aplicacionnan cu ta entrega pa conduci ‘wiretap’ (scucha combersacion telefonico) den investigacionnan di siguridad nacional, incluyendo den algun caso door di no tin documentacion pa sostene argumentonan cu ta duna na hues, segun un carta revela ayera.

E hallazgonan ta agrega na problemanan identifica aa pasa pa oficina di inspector general, cu a conclui cu agentenan di FBI a haci eror y omision significante de aplicacionnan pa spiona riba un ex-consehero di campaa di Trump durante e prome lunanan di investigacion di Rusia. E erornan aki a duna impulso na cambionan interno dentro di FBI y a lansa un debate congresional tocante si mester controla e hermentnan di vigilancia di e bureau.

Despues cu a entrega e reporte di Rusia december ultimo, inspector general Michael Horowitz a anuncia un revision mas amplio di podernan di spionahe di FBI y su aplicacionnan dilanti di e secreto Foreign Intelligence Surveillance Court. Como parte di e revision aki, oficina di e vigilante a examina con bon FBI tabata cumpli cu reglanan interno cu ta rekeri agentenan pa entrega documentacion pa apoya y substancia cualkier declaracion factual cu nan haci den e aplicacion.

E reglanan aki, conoci como Woods Procedures, a ser desaroya na 2001 despues cu a identifica eror den cantidad di aplicacion, conoci bou siglanan FISA, cu a ser entrega den investigacion di contra-terorismo.

Horowitz a bisa den un carta na director di FBI, Chris Wray cu den cuatro di e 29 aplicacion FISA cu e oficina a selecta pa revision, FBI no produci ningun documento ni record di apoyo. Den e 25 aplicacion cu tabata suplementa cu documentacion, e oficina a ‘identifica erornan aparente of hechonan sosteni inadecuadamente den tur’ di nan.

Den algun instancia, hechonan declara den e aplicacion no tabata sosteni pa ningun documentacion, y den otronan sea no tabata corobora pa e documentacion of hasta tabata inconsistente cune. E oficina di e vigilante a haya un averahe di 20 problema per aplicacion cu a revisa.

Como resultado, Horowitz a skirbi, ‘nos no tin confiansa cu FBI a ehecuta su Woods Procedures den cumplimento cu politica di FBI, of cu e proceso ta trahando segun tabata intencion pa yuda logra e standard ‘escrupulosamente veridico’ pa aplicacionnan FISA’.

Oficina di inspector general no a haci un decision si e erornan identifica tabata ‘material’ pa e investigacion of na e decision di e corte pa autorisa e wiretap.

E oficina a recomenda pa FBI ‘realisa un inventario fisico’ pa sigura cu documentacion di apoyo, conoci como Woods Files, ta existi pa cada aplicacion entrega na corte den tur investigacion pendiente. Tambe a recomenda pa FBI examina e resultadonan di ‘revision pasado y futuro di veracidad’ pa asina identifica tendencianan y patronchi, y desaroya miho training pa su agentenan.

Den un carta di respuesta, director interino asocia di FBI, Paul Abbate a bisa cu FBI ta trahando pa aborda e preocupacion di inspector general y tabata di acuerdo cu recomendacionnan di e oficina. El a bisa cu e erornan cu inspector general a identifica lo ser aborda pa e mas di 40 accion corectivo cu Wray a duna orden aa pasa despues di investigacion Rusia.

Foreign Intelligence Surveillance Court a ser estableci na 1978 pa ricibi aplicacionnan di FBI pa spiona riba personanan sospecha di ta agentenan di un poder stranhero, manerea spion of terorista. Criticonan pa largo a keha di e naturalesa scur y unilateral di e proceso di aplicacion, y yamadonan pa transforma e sistema a ricibi un empuhe bipartisano pa motibo di e erornan identifica durante e investigacion di FBI riba e lasonan entre campaña di Trump y Rusia.

E debate congresional a afecta esfuersonan di FBI pa renoba tres provision di spionahe cu a caduca e luna aki. Maske Congreso a pasa e legislacion aproba pa departamento di Husticia pa aborda algun di e preocupacion pa libertad civil indentifica pa inspector general, Senado a drenta receso siman pasa sin aproba e legislacion.