No ta un secreto cu un famia a perde nan cas na Tamarijn y tur nan pertenencianan. Ultimo por a nota cu un candela a causa un tristesa na un famia cu ya caba ta personanan di edad cu ta pasando den momentonan dificil na e momentonan aki.

Pueblo di Aruba cu ta conoci di ta un pueblo hopi solidario unda cu a tuma nota di e situacion y mes ora t’ey pa duna un man y yuda den e momentonan cu mas e famia aki tin mester. Sinembargo e canal miho pa cana ta pa pidi ayudo y guia na departamento di Asuntonan Social.

Vocero di DAS Jesseline Soto Garcia ta duna di conoce cu Departamento di Asuntonan Social tin un seccion special di guia social cu ta e seccion cu ta consisti di e trahadonan social , trahado pa hubentud, trahado pa bienestar cu normalmente ta keda acerca dor di e famia mes cu ta den problema of necesidad den casonan na momento cu situacionnan lamentabel pasa.

Departamento di Asuntonan Social t’ey pa e famia di menos recurso. Tur caso y tur famia nan caso ta otro , pero den e caso specifico aki na tamarijn a tuma nota cu e famia a pidi ayudo na e comunidad , pero no a pidi ayudo na DAS ainda pa un ayudo y un guia.

Sinembargo por a tuma nota den medionan social unda cu ta haci recaudacionnan , pero na DAS mes ningun famia no a bati na porta te na e momentonan aki.

Sinembargo e porta di DAS ta habri si tin mester di un guia di un trahado social y hunto lo traha un plan pa asina saca e famia aki di e situacion cu e ta hinca den dje. Sinembargo ayudo di placa DAS no ta haci esaki directamente , pero si ta intermedia por ehempel si un famia ta den necesidad di un hogar DAS por intermedia cu FCCA pa e tuma luga.

Sinembargo esaki ta e parti di e plan di guia cu DAS ta ofrece. E trahado social lo sinta cu e personanan y asina saca afo loke ta e necesidadnan y asina ta traha un plan di kico ta loke tin mester y con ta bay logra e metanan aki.

Si mester duna un ehempel DAS hopi biaha ta interveni na momento cu un famia tin mester di cuminda DAS lo intermedia cu e instancianan concerni , pero tambe ta mara e persona na un plan di guia pa e ciudadano por sali di e situacion pa no keda depende tur luna di e cuminda di e instancia.

Hopi biaha na momento cu e cliente ta tende cu e ayudo ta bin, pero su tras ta bin un plan di guia eynan ta caminda cu e cliente no kier compromete su mes cu e reglanan. Sinembargo DAS ta traha cu diferente instancianan manera FCCA , fundacion pa nos comunidad,cada trahado social tin nan netwerk cu diferente instancianan den nos comunidad cu ta yuda famianan cu ta pasa den situacionnan delicado. E yudansa t’ey , pero hopi biaha e ciudadano mes no kier compromete su mes pa cu e yudansa y e ora ta bira un situacion dificil.

E conseho semper ta keda pa acerca DAS sea ta na oficina na San Nicolas ex centro medico,Tankileender dilanti crèche preto di wowo y oficina na playa cu actualmente ta banda di Wendy’s na playa.

 

LEAVE A REPLY

Please enter your comment!
Please enter your name here