Organisacion Mundial di Salud (WHO) y otro agencianan lider ta bisa cu no tin evidencia pa sostene e sugerencia cu ibuprofen por empeora sintoma di COVID-19.
WHO a bisa anteriormente e siman aki cu a haci un revision rapido y no a haya investigacion publica ni data riba e asunto. Tambe a check cerca dokter tratando pashent cu coronavirus.
WHO ta bisa cu ‘no tabata na altura di ningun efecto negativo di ibuprofen mas leu di e efectonan secundario conoci’. A agrega cu no ta recomendando contra uso di ibuprofen pa trata keintura cerca pashent di COVID-19.
Diahuebs, FDA di Merca tambe a declara cu no tabata na altura di ningun evidencia cu tuma un remedi manera ibuprofen por ta malo pa hende infecta cu coronavirus.
E agencianan tabata respondiendo na un tweet weekend ultimo di minister di Salud Frances, kende a bisa pa hende cu ta kere cu tin COVID-19 no bebe ibuprofen. Olivier Veran a sugeri pa esunnan cu keintura bebe paracetamol.
Agencia di Medicina Europeo a bisa cu ta monitor e situacion di cerca. E agencia a bisa cu ora ta trata keintura of dolor di COVID-19, mester considera tur tratamento disponibel, incluyendo paracetamol y ibuprofen.
Den un carta publica online den journal Science, Garret A. FitzGerald di Kings Health Partners na London y otronan a yama e tweet di Veran ‘conseho mal informa’.
Comments are closed.