Ningun pais lo por sali invicto di e desgracia aki yama Coronavirus, COVID-19. Ta lamentabel y dramatico, pero asina lo bay ta.

E avance di e virus lo daña centenares di miles di famia sin importa su condicion social of economico. Tampoco su inclinacion politico. En principio esun mas afecta ta parce cu tabata e personanan mayor di 60 aña of cu ta presenta algun condicion den su historia clinico cu lo por bira si situacion mas grave. Sinembargo, e testimonio cu ta bin for di Spaña, por ehempel, ta tristo: hopi unidad di Cuidado Intensivo (UCI) a collapse, den hopi caso ocupa no pa pashent di edad, sino pa hobennan di 20, 30 y 40 aña cu ta conecta na respirador artificial.

Den otro parti di mundo, Latino America, e gobernantenan a subestima e posibilidad cu e virus lo yega hopi lihe y cu lo tabata asina mortal. Nan tabata supone cu e calor tabata un barera suficiente pa combati’e. Pero asina no ta ni lo bay ta. E virus ta sobrevivi desde 72ora te 9 dia – ta depende di factor como temperatura of humedad.

Algun administracion Latino Americano a cuminsa tuma na serio e asunto na momento cu den hopi caso tabata laat caba.

E preocupacion mayor ta bin for di Venezuela. Nicolas Maduro no tin hopi pa ofrece su pueblo maltrata. Speransa falso, promesanan sin cumpli y estadisticonan falsifica. Su sistema sanitario ta totalmente collapse desde hopi tempo pasa prome cu e fenomeno aki a cuminsa.

Argentina, Uruguay, Colombia, Ecuador, Peru, Chile, Paraguay, Bolivia y Centro America a adopta medidanan tiki mas trempan, y a tuma mas na serio e riesgo cu e poblacion lo por sufri.

 

LEAVE A REPLY

Please enter your comment!
Please enter your name here