Zendaya a bisa cu su ‘curason tabata yen’ na momento cu el a mira su co-nominadonan, incluyendo Jennifer Aniston, aplaudiendo e actriz di ‘Euphoria’ pa bira e actriz lider di mas jong den drama pa gana un Emmy.

Zendaya di 24 aña di edad, a bira emocional despues cu el a hiba cas e trofeo pa su rol den e serie di HBO, logrando un di e victorianan improbabel diadomingo anochi. E ta apenas e segundo actriz color scur pa bay cu premio di actriz lider den drama, despues di e victoria vanguardista di Viola Davis na 2015, pa ‘How To Get Away With Murder’.

Famia y amigonan di Zendaya a grita, aplaudi, brasa y yora su tras mientras e actriz sorprendi tabata acepta e premio den loke tabata parce un suite di hotel.

“Usualmente mi no ta yora”, el a bisa durante un entrevista tras di escenario virtual. “Mi a logra termina sin cu el a tuma mi over. Tabata un momento hopi emocional. Ainda mi no por kere mi mes. Ta loco.”

Den ‘Euphoria’, Zendaya ta interpreta Rue Bennett, un adicto adolescente luchando cu sobriedad y recuperacion den un serie cu ta trata di sex, droga, trauma y identidad di studiantenan di scol secundario.

“Mi djis kier bisa cu tin speransa den e hobennan”, el a bisa. “Mi sa cu nos programa di TV no semper ta sinti como e miho ehempel di esaki”, pero el a gradici nan pa “haci e trabao”.

Zendaya a bisa cu e tabata gradici di comparti e momento cu amigonan y famia a pesar di pandemia di coronavirus, cu a restringi interaccion cu sernan keri. “Mi ta kere ta momentonan manera esaki cu realmente nos mester aprecia”, el a bisa, despues di a derota un grupo fuerte di nominado cu tabata inclui Aniston, Olivia Colman, Jodie Comer, Laura Linney y Sandra Oh.

LEAVE A REPLY

Please enter your comment!
Please enter your name here