Aruba Reef Care contra actividad banda di beach pa motibo di sushi laga atras

Castro Perez

 Presidente di Aruba Reef Care Foundation, sr. Castro Perez a bisa cu e proceso pa elimina e uzo di plastic ta demanda un compromiso di nos tur.

El a bisa cu e fundacion aki ta trahando hunto cu un studiante di IPA cu ta trahando cu un proyecto special tocante reduccion di plastic na beach. Pero tambe nan tin polis cu ta trahando nan MBU ya cu nan a traha un proyecto special tocante eventonan cu ta wordo organisa banda di beach.

E ta haya cu e tipo di evento aki a yega di haya masha hopi critica den e social media pa motibo cu nan ta haci hopi daño ora cu evento ta termina. “Hopi plastic ta bula bay den lama y hopi sushedad ta keda…”, el a bisa. Sr. Castro a laga sa cu nan como organisacion ta totalmente contra di e tipo d actividad asina.

Mas compromiso
El a anuncia cu denter di poco varios establecimento lo stop di uza articulo di plastic cu ta benta afo despues di un uzo manera “stro”, y algun hotel ya caba a contribui haciendo uza di e tipo di plastic cu nan por uza bek. Nan mes mester cambia tur nan structura. El a indica cu un par di aña pasa un agencia a yega di duna un donacion di cupnan di plastic, tayo y cucharanan cu ta di un material special bio- degradabel cu ta garna despues di uzo. Tin algun di nan cu despues cu nan ta cay den awa nan no ta afecta nos bida marino. 
Pero e problema grandi cu ainda nan tin ta cu e saco di plastic transparente. Ta asina cu e tipo di saco aki turtuga ta confundi esaki cu un glofish y e ta guli esaki locual ta ocasiona su morto.

Actividad
Sr. Perez a declara cu e fundacion cu e ta presidi semper ta activo den diferente temporada, specialmente temporada di Semana Santa y prome den temporada di Carnaval, nan ta cuminsa cu nan campaña pa tene beach limpi. Ya caba el a haci un yamada na tur organisacion di Carnaval pa e biaha aki tuma e reto pa haci uzo di material cu no ta plastic pa evita tanto cup y otro articulo di plastic uza masivamente den e actividad aki.

RBC Royal Bank ta sostene e fundacion aki. Sra. Rose-Ann Ruiz-Woorts, Assistant Manager Marketing a declara cu e banco aki ta consciente di e importancia di un medio ambiente limpi pa awe y pa futuro. Ta p’esey cu den cuadro di nan programa anual di RBC Blue Water Project nan ta keda aporta na e fundacion Aruba Reef Care ya cu di e forma aki na ta renoba nan compromiso pa sigui contribui na un medio ambiente limpi na Aruba.

RBC Royal Bank kier curasha henter comunidad di Aruba pa participa activa y boluntariamente den e proyecto di limpiesa di nos zona di costa di Aruba Reef Care cu nan proyecto di limpiesa di nos beachnan cu lo tuma luga na luna di september proximo. E empleadonan di RBC lo forma un grupo grandi no solamente di empleadonan sino di nan famianan tambe y amigonan pa asina nan lo por contribui na e bon actividad aki pa tene Aruba limpi.

Pa 22 aña consecutivo Aruba Reef Care ta organisa su accion di limpiesa. Antes tabata na luna di juli, pero despues cu nan organisadonan a cambia di trabou, nan mester a cambia e fecha di e actividad aki pa luna di september. Tambe nan ta bishita scolnan unda nan ta duna lectura tocante sushedad di lama, piscanan, reef, y desde 2009 e problematica di Lions fish tambe ta forma parti di nan lectura di conscientisacion. “Lions fish tambe ta haci daño na e coral, anto come tur e piscanan”, el a bisa.

You May Also Like

‘Momento a yega pa mustra importadonan local di fruta y berdura lealtad bek’

Awor cu e embargo cu gobierno di Venezuela a impone riba Aruba a wordo ...

dengue.png

2015: 486 caso positivo di Chikungunya, 212 pa Dengue

Cifranan actual di Dengue y Chikungunya duna pa Despa ta lo siguiente: Pa 2016 te ...

Refineria di Aruba N.V.: Situacion actual di Citgo Aruba Refinery (CAR)

Comunicado textual di Refineria di Aruba N.V. (RdA): Diabierna mainta Refineria di Aruba N.V. ...

eleccion 2.jpg

Trump riba 264 voto electoral: presidente nobo di Merca

NEW YORK –  Donald Trump ta ganando e eleccion cu 264 voto electoral (48.2%) ...

RAIZ cu entrega importante cerca Presidente di Parlamento

Diaranson ultimo, lider di partido RAIZ, Ursell Arends como tambe Raymond Kamperveen, compaña pa ...

Dr. van Gaalen: ‘Laga nos haci nos best pa e salud mental di Aruba’

ORANJESTAD – Aruba, compara cu otro paisnan, tabata atrasa den e tema di psikiatria ...