Blue Blocks Project” Iniciativa di hobennan pa conscientisa comunidad pa cuida nos beachnan y naturalesa

5april NP, Blue (1).jpg

Patrick Beke hunto cu amigo Cado de Lannoy y Ashlin Ahlip a bin cu e idea pa cuminsa locual nan a yama “Blue Blocks Project”, como cu nan ta pasa hopi tempo na lama y den naturalesa, y hopi biaha ta wak hende ta pasa cu Jeep y Quadracer den e duinen. Esey ta destrui esakinan pues a bin cu e idea pa pone algo pa avisa hendenan pa cuida esaki.

Asina a cuminsa pensa riba e miho manera pa haci esaki y a pensa riba bloki, como cu nan lo wanta mas miho contra e salpeter y otro elementonan cu e ta wordo exponi na dje. Segun Sr. Beke a busca blokinan cu tabata den mondi benta y cu hende ya no ta haci uzo di nan, acumula nan y a verf nan. Bula Surf Shop ta e compania cu a sponsor tur e material pa haci esaki posibel. Hunto cu grupo di amigonan a logra pinta esakinan y haci henter e proyecto posibel y a bira locual cu e ta awo.

Localidadnan

Segun Sr. Beke a sigui splica Bon Dia Aruba, e blokinan a wordo poni na 17 luga. Westpunt, Duinen, Boca Druif, Wariruri, Boca Bayena, Andicuri,Shark Bay, Boca keto, Dos Playa, Grapefield, Boca Grandi, Alto Vista entre otro. Y e mensahenan poni riba e blokinan ta varia di “Please keep our beach clean”, “Don’t drive on the dunes” y “Don’t drive on the beach”.

“Nos ta pensa pa haci un di dos fase, pero nos kier a crea un espacio pa lanta hendenan for di soño y conscientisa riba e situacion.” El a bisa cu si un hende no sa, e no por aprecia esey, pues cu e mensahenan aki ta spera cu hende por wordo conscientisa y cuida locual cu ta di nos. E grupo di hoben aki a pone e potretnan riba Facebook y esakinan a haya hopi bon reaccion di comunidad, y ta apoya e mensahe cu nan a trece dilanti. E blokinan ta pinta un nechi color blauw bibo, cu letternan geel, cual ta resalta den naturalesa.

Finalisando el a enfatisa riba e importancia di cuida e beachnan y henter Aruba. “Esakinan ta di nos, si tur hende contribui na esaki tur hende lo por keda disfruta di e bunitesa.”

 

You May Also Like

5P3A8643.jpg

Update accident: 1 Sra. morto y 2 Sra. pa hospital pa cuido avansa

  Diamars den careda di 9:10 mainta riba e caminda di Santa Cruz pazuid ...

Te ainda Hulanda ta dunando espacio y cooperacion pa gabinete Wever-Croes atende cu crisis financiero

Segun minister presidente Evelyn Wever-Croes (MEP), el a pone gobierno di Hulanda na altura ...

Sancion riba orario di cera negoshi lo bira mas pisa

  Pronto tur club nocturno mester cumpli cu regla y maneho nobo of enfrenta ...

prome (2).JPG

Confusion y disgusto durante prome dia di solicitud na Citgo Desk

Manera a wordo informa cu dia 10 di october lo cuminsa tuma solicitud na ...

Minister Dangui Oduber: HBO den ‘Maatschappelijk Gezondheidszorg’ (MGZ) na Aruba

ORANJESTAD – Den luna di maart proximo, departamento sociaal psychiatrico, hunto cu Departamento Di ...

Richard Arends.jpg

Richard Arends ta bira minister di Economia y Comunicacion

Despues di un periodo di hopi speculacion, a wordo anuncia ayera cu Richard Arends ...