Tres miembro di tripulacion Mericano a perde nan bida ayera ora un avion di tanker di awa C-130 a crash mientras tabata combati candela forestal na Austraial sur oriental, segun oficialnan.

Premier di New South Wales, Gladys Berejiklian a confirma e morto den accidente den e region Snowy Monaro di e estado, cual ta yega mientras Australia ta lucha cu un temporada di candela sin precedente cu a laga gran destruccion.

Coulson Aviation den estado Mericano di Oregon a bisa den un declaracion cu un di su tankernan grandi Lockheed a perde despues cu a salid di Richmond na New South Wales cu retardante pa un mision di bom candela. A bisa cu e accidente tabata ‘extensivo’ pero tabatin tiki mas detaye.

E tragedia ta aumenta e cantidad di morto pa e candela na sikiera 31 persona desde september. E candela tambe a destrui mas di 2,600 cas y kima mas di 10.4 miyon hectar, un area mas grandi cu estado Mericano di Indiana.

Coulson a baha otro avion como precaucion pendiente di e investigacion, reduciendo e cantidad di avion disponibel pa bombero na New South Wales y su estado bisiña, Victoria. Hercules, di cuatro propeller, ta drop mas di 12mil liter di retardante pa candela den un solo biaha.

Bureau di Seguridad di Transporte di Australia, e investigado di accidentenan aereo, y polis estatal lo investiga e sitio di e crash, cual bomberonan a describi como un candela activo. Na e momento aki no tin indicacion di kico a causa e accidente.