Despues di varios incidente na scol di entre otro violencia contra docente y protesta di docente contra esaki, a forma un comision pa yega entre otro na un codigo di comportacion nacional (Nationale Gedragscode Onderwijs Aruba) pa tur scol. Den esaki ta para con directiva di scol, docente, alumno y mayor mester comporta nan mes pa crea mas siguridad na scol.
Minister di Enseñansa ta informa awor ta introduciendo e codigo na tur e partidonan concerni. Den luna di october tur schoolbesturen, stichtingen, stakeholders a haya e documento di Nationale Gedragscode Ondwerijs Aruba, e ta informa. Den luna di december lo entrega e Nationale Gedragscode Onderwijs Aruba na cabesantenan, maestronan/docentenan, alumnonan/studiantenan, voogd/mayornan. Luna di januari e comision lo sinta hunto bek, mientras cu den luna di maart lo ahusta si acaso mester. Den luna di mei lo drecha e documento y parti’e di nobo, mientras cu na juni/juli tur scol lo ahusta nan schoolgids pa e aña escolar 2016-2017.
“Mi ta masha contento cu nos por yega na e desaroyo aki pa nos scolnan. Mi ta consciente e code di comportacion no lo elimina tur incidente na scol di biaha y lo tuma tempo pa filtra tur informacion, pero esaki ta e prome paso pa yega na un clima sano y safe pa tur esunnan cu ta forma parti di nos scolnan”, segun minister Michelle Hooyboer-Winklaar.
.jpg "Universidad di Aruba lo sigui ofrece mas programa di specialisacion")
