Colega y miembro aprecia di prensa Djispie Franken a bay laga nos

ORANJESTAD – Diadomingo ultimo, un colega legendario di prensa y masha aprecia pa e gremio aki a bay laga nos. Ta trata e famoso fotografo: Aloysio Marcolino (Djispie) Franken.

Djispie a forma parti di e grupo di fotografo cu a cuminsa activamente den prensa. El a traha hopi aña como fotografo di Amigoe di Aruba. Tambe e tabata encarga pa varios aña di e corant Extra na Aruba. El a yega di cubri diferente actividad, ya sea suceso, politico, sindical y social cu a inmortalisa cu su camara di saca potret. E tabata un persona cu hopi carisma y masha alegre cu a establece su negoshi na final di caya grandi.

Un dia masha inolvidabel y feliz pa Djispie hunto cu su famia tabata e dia di apertura di e II exposicion “E lens di mi wowonan”, bou auspicio di RBTT y organisa pa Djispie su discipulo, e fotografo/camarografo, Leo Vrolijk den cuadro di celebracion di Dia di Prensa 2009.

E exposicion aki dedica 10 aña pasa na Djispie a conta cu e exhibicion di mas cu 100 potret di fotografonan di prensa y algun invitado. E tempo aya e apertura di e expo aki tabata na encargo di Sra. Edna L. Farro, kende tabata presidente di RBTT Bank Aruba N.V. Tambe e veterano periodista, Victor (Toko) Winklaar, kende a conoce Djispie Franken masha di cerca, a haya honor pa dirigi algun palabra recordando anecdota di nan actividad den prensa.

E expo bunita aki a tuma luga den sala di RBTT Bank Aruba NV den Caya Principal, unda a wordo teni un a tene un minuut di silencio pa fayecimento di e conocido miembro di prensa, Carlos A. Kelkboom (d.f.m) un di e pioneronan di radiodifusion na Aruba.

 

 

You May Also Like

Hazaña pa recauda fondo pa Casa Cuna y Pasadia Briyo di Solo

Artista local y lider di partido Red Democratico Ricardo Croes ta bay subi Hooiberg ...

detencion

Motibonan detencion fakkel, buracheria publico y no scucha ordo di polis

Ayera nochi a tuma luga Aruba su prome parada di carnaval. A pesar di ...

Renobacion sala yegada aeropuerto no ta sigui

Definitivamente gerencia di Triple A no por sigui cu e trabou di renobacion den ...

Protesta chauffeurnan di truck ta termina

Dialuna mainta e caminda dilanti Bestuur Kantoor tabata  completamente blokia pa trucknan di diferente ...

Arie Swaen nombra como informador pa gobernador

Gobernador di Aruba a nombra Arie Swaen, abogado y ex presidente di Raad van ...