aru011_t.jpg

Nos moneda

Den cuadro di e Celebracion di 30 aña Status Aparte nos por wak atras riba un logro di nos moneda. Aruba a haya su mesun moneda despues di su Status aparte na 1986. E valuta di e moneda ta yama florin. Ta indica esaki cu e letranan AWG (Arubaanse gulden).

E florin ta consisti di 100 cen. E cambio di un dollar Mericano na AWG. 1,77.

E diseño di e placa cu nos tin awor ta di Sr. Evelino Fingal, kende tabata hefe suplente di Instituto di Cultura Aruba pa basta aña y ta un famoso artista plastico y diseñador. Na momento cu a diseña e placa di Aruba tabata importante pa uza simbolo conoci di e isla. P’esey imagen di bestia di Aruba combina cu pintura di Indjan ta refleha e relacion entre pasado y presente.

 

Riba e placanan di papel a uza e siguiente bestianan:

E calco             riba e   10 florin

E cascabel       riba e   25 florin

E shoco            riba e   50 florin

E dori               riba e 100 florin

E mero              riba e 500 florin

Originalmente a introduci un biyete di 5 florin, pero esaki tabata tin un costo halto di produccion.
Pe motibo aki e cinco florin a bira un moneda na 1997 anto den forma no usual, esta e forma cuadra.

E forma cuadra aki, di e cinco florin, tabata facil pa falsifica. Pa e motibo aki a trece un cambio na 2005. A introduci un cinco florin rondo cu ta hopi mas sigur y no ta facil of barata pa falsifica. E metal cu a uza pa traha e cinco florin tambe a cambia y e colo a bira aluminium- bruin en bes di e color di plata. Informacion for di nos buki ‘Aruba, Nos Isla”.

Tin ora nos no ta para keto riba nos logronan. P’esey Departamento di Cultura Aruba bou auspicio di Ministerio di Cultura ta trece algun informacion dilanti relaciona cu nos moneda den cuadro di e celebracion di nos 30 aña di Status Aparte. Cu nos por ta orguyoso como pais.

 

“Pone e Arubiano na altura di su cultura y siña conoce di otro” Sr. Humberto O. (Lio) Booi.

LEAVE A REPLY

Please enter your comment!
Please enter your name here