DIP: Negoshinan di deporte acuatico ta bin na remarca prome pa haya permiso

5april, JM, DIP.jpg

Tabata tin un palabracion cu tur compania di deporte acuatico cu tabata riba beach na 2009, ta haya e chens pa un ubicacion, sin tene cuenta cu nan trayectorio di existencia. Ta start full di nobo cu un igual oportunidad. Segun Isabel Dammers, directora di DIP, Eseynan ta loke ta bay trata prome, ta ubica nan, djey e luganan cu keda habri, ta yena nan e ora ey cu e peticionnan nobo cu a bin acerca, segun Dammers.

 

Reglanan nobo

Tin deportenan acuatico nobo cu a pone cu mester a trece reglanan nobo den e Beach Policy pa asina garantisa siguridad di e esnan cu ta uza e beach. Eseynan tambe a wordo ubica nan propio luga, di manera cu tin structura di reconocemento di parti di Polis Maritimo cu tin cu tene supervision riba dje, pa nan ta cla e ora kico por y na unda y nan por supervisa miho tambe. Alabes e zona pa landa ta bay wordo marca cu boei nobo, caminda cu hende por wak te unda e por yega, y kico ta area di landamento, kico ta area di rema, kico ta area di asuntonan di motor. A yega asina leu cu ta pidiendo den luna di april, te fin di april, cu ta bay haci un inscripcion di nobo. A pidi tur hende pa haci nan peticion na DIP pa na permiso nobo awor aki. Esey por tuma luga entrante dialuna pa diabierna, durante orario di trabao.

 

Formulario di inscripcion

Tin un formulario na balie y tambe por bay riba nan website, cu tin informacionnan cu mester wordo yena den dje. Tin rekisitonan cu e peticionario mester bin cun’e. Nan prueba di inscripcion na KvK, un ID valido di e doño di e compania. E gasto pa e peticion ta 31 florin. Nan tin cu bin tambe cu un pintura di situacion di Kadaster, unda ta indica e luga unda nan ta desea pa opera. Riba e formulario nan por yena e cantidad di espacio y e tipo di actividad cu nan kier desplega riba beach. Ta asina si cu eigenlijk tin palabracionnan haci encuanto un proposicion di alocacion. A papia cu practicamente tur compania di deporte acuatico algun biaha caba y tin un proposicion caba haci, cual ta casi conclui, a base di cual kier mira e alocacion ey tuma luga.

 

Implementacion

Isabel Dammers a splica cu a yega na e punto, hunto cu minister di Infrastructura y di turismo den e cuadro aki pa realisa e implementacion. A pasa traves di un trayectorio amplio cu tur partner den e realisacion di e maneho di beach. El a cuminsa na e momento cu na 2009 kier a cuminsa cobra pa e uzo di tereno riba beach. A surgi e ora ey un diferencia di opinion y partnernan a bay corte. Corte na e momento ey a dicta cu mester tin maneho pa por controla uzo na tereno di beach na dje, prome cu por actua y esey a sosode.

Na 2009 tur cos a wordo poni riba espera. Ningun permiso a wordo otorga pa haci uzo di tereno riba beach, pa companianan di Deporte acuatico na e momento ey y a bay over riba maneho acepta. A tolera tur hende cu tabata na 2009 riba beach y awor aki tin cu bay reglamenta esey. Ta asina cu tabata tin diferente tipo di permiso, operacion a base di diferente cu a tuma luga. Tin uno a base di permiso di benta, e otro cu un permiso di staciona di KPA, un otro cu precario so. No tabata tin standarisacion den e condicionnan tampoco. No tabata tin condicionnan poni. A wordo haci na 2009 un midi. A constata ken tur tabata t’ey. A haci un resumen total di esey.

 

Inventarisacion

Durante añanan a haci un inventarisacion y a pidi tur partner pa somete na DIP tur permiso cu por tabata opera a base di dje. A base di esey ta haya un gevoel di ki tipo di compania ta deal cun’e. Durante e trayectorio, a traha e cuadra. Esey ta meramente bisa di e parti di e zonificacion so. E ta indica na unda por bin palapa, na unda mester kita, unda por bin mas, unda ta ubica deporte acuatico, kico ta tolera, ki tipo di actividad tin y ta indica e zona caminda esey por tuma luga. Mesun cos a sosode riba awa. A haci un inventarisacion di tur e actividadnan cu tin di deporte acuatico. Como consecuencia di esey a concentra e jetskiers na Eagle. A amplia e zona pa jetsky. A hala tur zona di landa un tiki mas patras. A haci e zona aki mas grandi. A traha e zona auxilia mas grandi di manera cu actividad di motor riba lama tambe ta bay mas patras pa tin siguridad riba beach, Dammers a splica.

Lo duna 6 luna di permiso prome pa wak con cos ta bay  prome cu sigui duna permiso na e deporte acuatico por cumpli cu e reglanan paso esun cu no cumpli no lo duna  mas permiso segun Sra. Dammers

Riba e asunto cu no tur deporte acuatico tin un permiso of un papel di camara di comercio, lo mester cuminsa cana nan caminda di cuminsamento pa cana e procedura describi.

Te cu awor aki tin 80 % di e Companianan di Deporte Acuatico cu ta di acuerdo cu e reglanan di e Beach Policy  pa cual aki Sra. dammers a splica mas di ken si a bay di acuerdo y ken no.

You May Also Like

Corte a honra peticion pa stop tur construccion na tereno wetland

Hues a honra e peticion di Aruba Birdlife Conservation (ABC) pa para tur construccion ...

Entrepeneur Arubano ta saca nomber di Aruba na Alemania

Entrepeneur Arubano Phil Hunt ta conta Bon Dia Aruba con e tabata pa cuminsa ...

image.jpeg

Accidente pisa entre brommer cu auto, tanto motociclista y chauffeur a keda gravemente herida

Diabierna anochi algo prome cu 9’or y mey ta sucede u  accidente serio na ...

mas noticia send (12) (Small).JPG

Ciclista a dal riba auto na Adriaan Lacle Blvd

Diabierna anochi riba e caminda di Adriaan Lacle Blvd panort di e luznan di ...

AP_337673714684.jpg

Sector di turismo di Francia por mira un golpi grandi

E ciudad capital di Francia, esta Paris ta wordo considera e destinacion turistico mas ...