Home Regional Ecuador: Pueblo ta desaproba reeleccion indefini di presidente den referendum

Ecuador: Pueblo ta desaproba reeleccion indefini di presidente den referendum

316

E votadonan Ecuatoriano a aproba cu 64% di e total di voto pa rechasa e reeleccion indefini di presidente den e referiendo di diadomingo pasa, convoca pa presidente Lenín Moreno pa cera paso pa poder di su ex aliado y antecesor Rafael Correa. E resultado tabata basa riba 95% di e votonan conta pa 01:00 or di marduga ora local, di un total di mas di 13 miyon voto posibel.

Segun e conteo rapido di e conseho nacional electoral, e electornan tambe a aproba, cu 63% di e votonan, pa restructura e organo crea pa e ex gobernante di sikiera pa nombra autoridadnan di control, loke den practica lo implica un descorreisacion total di estado.

Poco minuut despues di conoce e resultadonan aki, e presidente, converti den  principal enemigo di Correa, a celebra na Palacio di Carondelet e ‘victoria cla y contundente cu e si tabatin’ den e shete preguntanan di e referendum.

“E confrontacion a keda atras, ta ora pa bolbe brasa otro”, Moreno a expresa, cu a enfatisa cu e consulta lo sirbi pa profundisa democracia.

Di su banda Correa, cu ta perde e opcion di bolbe na poder den eleccion presidencial di 2021, a felicita sin embargo den un tweet su militantenan, alegando cu “ningun movemento su so por logra 36% alcansa, pio den asina poco tempo y den un lucha asina desigual.”

“Lucha ta continua. Nos no por acepta den un estado di derecho, un kiebra constitucional asina.   Hasta la victoria siempre!,” e ex mandatario a agrega.

E votadonan a aproba tambe cu amplio mayoria pa deroga e ley aproba pa Correa pa limita e ganashi riba  inmobiliaria y prohibi participacion politico na e politiconan condena pa corupcion.

Correa, cu ta alega ‘persecucion y hostigamento’ contra su persona, ta acusa Moreno di kier uza e pregunta aki di e referendum pa prohibie via e caminda hudicial.

E ex mandatario a wordo yama pa fiscalia pa declara riba presunto iregularidadnan den un benta miyonario di petroleo cu China y Thailand durante su administracion.