Entrante awe diamars 31 di maart, servicionan di e oficinanan auxiliar di gobierno (Hulpbestuurskantoor) ta habri nan porta bek pa solamente e servicionan di WEB, Elmar y Setar, cu excepcion di HBK/MFA Paradera.

HBK Paradera no lo por duna servicio mientras nos ta trahando riba e medidanan di precaucion pa nos trahadonan y clientenan, y asina cu trabounan aki keda cla nos lo anuncia esaki.
E orario lo ta entre 7.45 y 10’or di mainta pa personanan mas cu 60 aña.
Despues di 10’or lo habri pa publico en general te cu 11.30.

Pa alivia e fluho, e HBKnan lo duna servicio na solamente e clientenan di WEB, Elmar y Setar. Maximo 3 transaccion pa cliente.
Ta pidi un y tur pa tene bon cuenta cu e orarionan y e medidanan di precaucion.
Ta permiti solamente 10 persona den e edificio alabes y lo tin solamente 1 cahera. Ta pidi e cooperacion pa e distanciamento social tambe na esnan cu ta warda pafo.
E higiena y salud di nos empleadonan y di nos clientenan ta keda e prioridad.

Nos ta sugeri cu si abo por yuda un persona pa haci su pagonan online y asina contribui pa stop e contagio di COVID-19..

LEAVE A REPLY

Please enter your comment!
Please enter your name here