30 maart,IT, Beach Policy (1).jpg

Regulacion riba nos beachnan ta di suma importancia pa nos mantene Producto Aruba di un nivel halto.

No ta un secreto cu ultimo tempo nos beachnan specialmente den e area di Palm Beach a bira demasiado congestiona y cu e cantidad grandi di bishitantenan di e barconan crucero  e la bira un situacion cu tabata urgi atencion. No tabatin un plan integral y tabata tin hopi negoshinan cu tabata opera pa hopi aƱa sin permiso. Tur esaki a conduci cu mester a tuma tempo necesario y legalmente laga e cana e proceso pa despues informa esnan involucra cu tin un cambio na caminda pa regula e area di nos beachnan.

Pa varios aƱa caba a conduci varios encuentro pa informa y a publica cu e cambio ta bin unda cu por bisa di a sinti un sosten di gran mayoria. Un aspecto positivo sigur awor ta e mehoracion di siguridad riba nos beachnan unda cuerpo policial lo tin hopi mas bista, control  y lo sanciona si mester haci esaki. Preservacion di un di nos atraccion turistico principal ta keda e punto mas importante pa mantene nos pilar economico. Cu implementacion di e maneho di Beach Policy, lo percura pa no solamente nos bishitantenan disfruta di un miho forma di nos beachnan pero e lo percura pa reservanan tambe pa nos propio futuro generacionnan. 

Fase di implementacion ta cuminsa. Entrante 1 di April 2016, tur cu ta interesa pa haci uzo di un espacio riba nos beachnan cu e proposito di negoshi por haci nan peticion oficial na DIP (Departamento di Infrastructura y Planificacion). Permiso pa un espacio riba beach entre ex-Bushiri Hotel te cu Fishermanshut conforme e liƱa di maneho nobo di e ā€œRichtlijn Ruimtelijke Inrichting Strandenā€, ā€œStrandenbeleidā€, miho conoci como Beach Policy, mester haci peticion na oficina di DIP durante luna di April 2016. Ta urgi pa tuma bon nota di esaki. Por  haci e peticion pa uzo di espacio riba beach na balie di DIP durante dianan di oficina, entre 7:45-11:45 di mainta y 1:15-3:45 di atardi. Ora di haci e peticion ta rekeri di e peticionario pa e entrega:

-comprobante di inscripcion na Camara di Comercio,

-comprobante di persoonsnummer di Servicio di Impuesto,

-copia di identificacion valido,

-un situatietekening di kadaster 

-31 florin.

Durante luna di mei 2016 lo evalua tur peticion pa por contesta tur peticionario. Evaluacion di e peticionnan haci lo sosode den luz di e ā€œStrandenbeleidā€ manera aproba, di palabracionnan haci cu esnan envolvi cu e ā€œStrandenbeleidā€ y informacion duna den pasado. Den e evaluacion di peticionnan pa uzo di tereno ā€œDirectie Scheepvaartā€, ā€œStrandpolitieā€, ā€œMaritiem Politieā€ y ā€œDienst Openbare Werkenā€ (DOW) lo wordo consulta. E peticionnan cu por wordo honra lo keda formalisa cu un permiso pa un espacio destina riba beach y cu un validez di 6 luna. Meta ta pa por otorga permisonan pa uzo di espacio riba beach entrante 1 di juli 2016. Conforme palabracionnan haci, peticion di esnan cu tabata haci uzo di espacio riba beach na 2009 lo wordo tuma den consideracion prome. Peticionarionan cu a ubica nan mes riba beach despues di e control di 2009 sin tin precario y otro permisonan necesario lo no por wordo concedi un permiso pa uzo di beach si no tin mas espacio conforme e liƱa di maneho. Na november di 2016 mester haci peticion pa renobacion.

Na januari 2017 permisonan di usuarionan cu a cumpli cabalmente cu condicionnan stipula den e permiso y cu tabatin un comportacion manera cu autoridad y cu den e Beach Policy ta stipula pa mantencion di orden publico y siguridad riba awa lo por wordo otorga pa henter aƱa. 

LEAVE A REPLY

Please enter your comment!
Please enter your name here