Miembronan di Fraccion di POR, Dellanire Maduro y Alan Howell a sostene presupuesto 2020 di pais Aruba. Diamars, durante un reunion historico debi na e situacionnan di distanciamento social y crisis den cual nos ta bibando aden, a aproba e presupuesto di nos isla cu un deficit di 1.3 biyon florin.

Fraccion di POR ta considera cu tabata hopi importante pa pasa e presupuesto aki cu ta contene e fondonan pa atende cu e crisis den cual nos pais ta pasando debi na e pandemia di Covid-19. Ta lamentabel cu despues di a haya un presupuesto unda nos pais lo a conta cu un surplus di 40 miyon florin, den apenas algun siman esaki a cambia por completo y a bay te na un deficit di 1,300 miyon florin.

Pero mescos cu e ta lamentabel, por bisa cu e ta demostra un curashi grandi pa den un periodo asina cortico, logra hinca un plan den otro pa yuda nos pais y nos hendenan den un di e periodonan mas dificil cu nos a yega di pasa aden.

Fraccion di POR lo keda vigila e fondonan aki y sigura cu nan wordo inverti na e manera corecto y na bienestar di nos poblacion. Tambe kier a probecha e ocasion pa gradici tur esnan a traha incansablemente pa logra haci e cambionan necesario den un termino asina cortico.

 

1 COMMENT

  1. Mi opinion ta pober, pero esaki t’e: mi ta pensa cu Gobierno di Aruba no mester duna hende placa pornada: hasie manera ta hasi cu studie lening: ora bo haya trabou bo ta paga bek, poco poco. Pero no keda sin paga bek: pasobra e placa cu Aruba ta haya for di Hulanda e mester paga bek. Semper m’a pensa cu Taxi mester cai bou di Gobierno, sea bou di Arubus sea otro forma.

LEAVE A REPLY

Please enter your comment!
Please enter your name here