Fundacion Lisette Gomez a entrega manifiesto y rapportnan na gobierno

ORANJESTAD – Diabierna ultimo Fundacion Lisette Gomez den un manifestacion pasivo a presenta na Gobierno e diferente manifiesto y rapportnan cu el a entrega den pasado na Gobierno anterior, pero cu e Gobierno aki nunca a ricibi pa motibo cu no tabata tin traspaso debido di informacion.

Fundacion Lisette Gomez, cu tin casi 10 aña ta lucha riba e tereno di abuso di menor. E fundacion a trece dilanti tambe cerca prome minister Evelyn Wever-Croes na preocupacionnan y plannan cu nan tin pa yuda combati abuso sexual di mucha.

Aruba, den e ultimo simannan, a wordo informa di diferente caso di abuso di menor cu un biaha mas a causa hopi reaccion den nos comunidad. Pa cua motibo tambe, gabinete Wever-Croes, representa pa minister di Asuntonan Social, minister di Salubridad, minister di Husticia, minister di Enseñansa y prome minister, a duna declaracionnan amplio riba tur locual e ministernan encarga cu e tema aki y gobierno en general a haci y ta haciendo riba e problematica aki cu ta afecta nos pueblo specialmente nos muchanan.

Na e momento cu gabinete Wever-Croes a cuminsa goberna, mesora a nota un negligencia grandi riba e veld social pa cua motibo tambe mesora a cuminsa traha riba e Social Crisis Plan. E plan aki ta traha riba e crisis social mientras tambe gobierno ta trahando riba e prevencion di e tipo di abusonan aki.

Esfuersonan di gobierno pa sigui ataca abuso sexual di mucha ta continua. Gobierno di Aruba lo traha hopi di cerca cu Lisette Gomez riba e problema serio di abuso sexual di menor. Hunto lo traha riba prevencion y riba e castigonan mas halto.

“Abuso sexual di menor ta dal nos tur hopi duro den nos curason. E tema y maneho tin un prioridad hopi halto riba agenda di gabinete Wever-Croes y nos lo no laga nada desvia nos for di nos meta pa bringa e crimen aki contra nos muchanan. Ora cu nos ta bisa cu nos ta pone e ser humano central, cada mucha tambe ta central”, prome minister a enfatisa.

You May Also Like

maritiem polis

Polis: 324 paki di un kilo di cocaina confisca

Tripulantenan a pasa di victima pa sospechoso Tabata diamars 16 di februari 2016 rond ...

Prome minister Evelyn Wever-Croes: Bon atmosfera durante reunion cu US AID y State Department

ORANJESTAD – Ayera y awe, prome minister Evelyn Wever-Croes ta na Washington, Merca, pa ...

‘Adolescente no ta tende conseho di abstene’

ORANJESTAD – Hende ta puntra dicon hoben no ta scucha e conseho di abstene ...

Parlamento Hubenil: ‘Nos kier desaroya un comunidad unda hoben no tin berguensa pa expresa nan mes’

Durante un entrevista cu representantenan di Parlamento Hubenil na nan oficina situa na YMCA ...

A2 candela (1).jpg

Serlimar: No por pone cura ainda pasobra destino Parkietenbos no ta cla

Causa di e candela di ayera mainta na dump di Parkietenbos ta mustra di ...

CAYA GRANDI PLAYA11.JPG

Construccion di mas mall ta menasa comerciantenan Caya Grandi

Ex presidente di Camara di Comercio di Aruba y presidente di e comision encarga ...