Iberostar Hotels & Resorts cu orguyo ta celebra e prome aniversario di JOIA Aruba by Iberostar. Durante e ultimo aña, e compania a solidifica su presencia riba e isla pa medio di un modelo di turismo responsabel, enfocando riba iniciativanan ambiental di impacto halto, desaroyo social, y aliansanan local cu balor.

Iberostar Hotels & Resorts: 70 Aña di Turismo cu Proposito

Cu 100 propiedad den 14 pais y shete decada di experiencia den e industria, Iberostar ta sigui boga pa cambio positivo pa medio di turismo positivo. Como un negoshi 100% familiar, e compania ta wordo guia pa un vision robusto a largo plaso, cu enfoke riba duna balor di calidad halto y transforma e sector turistico den un forsa regenerativo cu ta cuida ecosistemanan – specialmente nos lama – y ta contribui na e bienestar di e comunidadnan unda nan ta opera.

Iberostar ta avansando su strategia di turismo responsabel pa medio di su movemento Iberostar Wave of Change, structura rond di shete area di enfoke: cuido di nos hendenan, compromiso cu comunidadnan local, proteccion di naturalesa, promocion di consumo responsabel di producto di lama, accion climatico, experiencia circular, y crecemento responsabel. Cu mas di 460 profesional trahando na Iberostar Aruba y e compromiso pa traha aliansanan a largo plaso, e compania ta implementa su modelo di turismo responsabel na Aruba pa medio di JOIA Aruba by Iberostar y e campo di golf di Tierra del Sol.

“Nos a diseña JOIA Aruba by Iberostar pa e ta un luga di encuentro pa nos hendenan local, y nos ta orguyoso di habri nos portanan y nos experiencianan unico pa e comunidad. Nos ta balora profundamente nos colaboracion cu e comunidad di Aruba y nos ta orguyoso di introduci Iberostar su modelo di turismo responsabel como un forsa pa cambio positivo. E milestone aki ta reforsa nos compromiso pa construi aliansanan local mientrastanto nos ta proteha e medio ambiente cu ta rondona nos”, Arnaud Le Lanchon, General Manager di Iberostar na Aruba, a declara.

 

JOIA Aruba: Fortaleciendo Comunidad y Talento Local

Desde su apertura, JOIA Aruba by Iberostar a prioritisa un cultura unda e ser humano ta central. E resort a bira un motor clave pa desaroyo di e forsa laboral local pa medio di pasantianan den colaboracion cu EPI, EPB, y Universidad di Aruba, brindando mas di 40 studiante experiencia den hospitalidad.

Un pilar di su compromiso cu comunidad ta e programa Aula di Lama; un espacio educativo habri dedica na nos lama. Den su prome aña, e programa a fungi como anfitrion pa 145 sesion, alcansando aproximadamente 1,290 beneficiarionan, inspirando un generacion nobo di protector di lama pa medio di colaboracion cu mas di 15 NGO local. E aliansanan aki ta esencial pa garantisa cu e contenido ta keda relevante, basa riba ciencia, y conecta cu prioridadnan ambiental actual.

Ademas di educacion, Iberostar a construi relacionnan significante cu varios socio local, incluyendo Metabolic Foundation, Fundacion Savaneta, Alto Vista Winery, y Cunucu Libiee, apoyando cultura local, desaroyo comunitario, y experiencianan Arubiano autentico cu ta conecta bishitante cu e tradicionnan di e isla.

Pa medio di su aliansa cu Alto Vista Winery, Iberostar hunto cu varios otro hotel ta apoya un enfoke circular pa maneho di desperdicio. Desperdicio di cuminda di e sector di hospitalidad ta wordo procesa na un manera responsabel y transforma den un nutrient-rich compost, cual ta yuda nutri e agricultura local y ta contribui na practicanan di agricultura mas sostenibel riba e isla.

Ademas, e compania a lansa e Shoco Boulevard na JOIA Aruba by Iberostar, un luga educativo riba e propiedad dedica na crea conciencia tocante e specienan y e biodiversidad unico di Aruba. Mas di 1000 participante, incluyendo miembronan di e ekipo di JOIA Aruba, stakeholders di comunidad, studiantenan di Universidad di Aruba, empleadonan di otro hotel nan, y prensa local, a completa e entrenamiento di Shoco Ambassador, fortaleciendo e conciencia di conservacion y conocemento tocante Aruba su shoco. JOIA Aruba tambe a wordo selecta pa fungi como anfitrion pa e World Owl Conference na 2026, locual ta confirma nan papel pionero den educacion ambiental y preservacion di bida salvaje.

Jareth Vermeulen, Destination Alliances Manager pa Aruba, ta splica: “Nos ta balora profundamente nos colaboracion cu e comunidad di Aruba y nos ta orguyoso di introduci Iberostar su modelo di turismo responsabel na Aruba como un motor activo di cambio positivo. E milestone aki ta reforsa nos compromiso pa fomenta aliansanan local fuerte pa logra nos meta di salvaguardia e naturalesa cu ta rondona nos propiedadnan”.

Tierra del Sol Golf Course by Iberostar: Brindando un Experiencia Vibrante pa Generacionnan

E renovacion di Tierra del Sol Golf Course by Iberostar a wordo diseña pa eleva e experiencia di hunga golf, contribuyendo na un balor agrega pa e propiedadnan rond di dje y reforsando e prestigio di e area. Bou di un modelo di maneho basa riba cuido ambiental, e propiedad a pasa den un transformacion completo. Tur e greens y tees a wordo completamente renoba y a haya yerba nobo pa garantisa condicionnan di wega optimal, apoya pa un sistema di irigacion completamente modernisa y eficiente.

Den e fase final, e fairways y e driving range a haya yerba nobo y preparacion pa e reapertura grandi di e 18th hole golf course. E evolucion aki ta bay mas leu cu e yerba mes; e ta inclui practice facilities modernisa—incluyendo mats nobo y ball trays nobo—y un experiencia refresca pa e huespednan cu borchi nobo y facilidadnan renoba na hole 6 y 15.

“E reapertura di Tierra del Sol Golf Course by Iberostar na 2025 a entrega un campo completamente renoba bou di un modelo di maneho enfoca riba genera balor pa e doñonan di propiedad, apoyo na e comunidad local, y preserva bida salvaje nativo. Un pilar di e compromiso aki ta e creacion di Aruba su prome Shoco Sanctuary, cual ta proteha 20% di e populacion di e specie endemico aki,” Ashiko Martinus, Director di Tierra del Sol Golf Course by Iberostar”, a splica.

Un Vision a Largo Plaso pa Aruba

E compania ta reafirma su compromiso a largo plaso cu Aruba door di lidera un modelo di turismo responsabel cu ta alinea cu e strategia di e institucionnan riba e isla. E compania kier hunga un papel activo den e evolucion di Aruba pa medio di colaboracion continuo cu entidadnan local, asociacionnan, y comunidad, impulsando un cambio positivo den turismo cu ta garantisa proteccion di e medio ambiente, su hendenan, y e caracter unico di e isla.

E compania ta keda dedica pa ta un socio activo den e futuro di Aruba, garantisando e proteccion di e caracter unico di e isla pa futuro generacionnan.

Como parti di e milestone aki, Iberostar a invita miembronan di prensa local y comunidad di Aruba pa un presentacion special resaltando e impacto positivo logra durante su prome aña di operacion. Durante e encuentro aki, e compania a comparti iniciativanan clave y aliansanan cu ta demostra con turismo por contribui positivamente na e comunidad, economia, y medio ambiente di Aruba.