James Finies di ‘’ Nos Ke Boneiru Bek’’ no a para keto riba e fecha special 10-10-20. A presenta un buki riba e dia aki y e obhetivonan principal di e buki titula ‘’ Autodeterminacion di Boneiro rechaza ‘’, ta pa documenta y conmemora eventonan cu a ocuri entre 2010 y 2020 , desicionnan, situacionnan y accionnan importante cu a condusi y resulta den e anecsacion illega di Boneiro, e consecuancianan di e cambio di status cu a wordo impone riba Boneiro.

Ademas e lo pone luz, des honra y incapsula e personanan, politiconan, lidernan, tur cos cu a condusi na e traicion y anecsacion pueblo Boneriano na 10 oktober 2010 sigui te cu 10 oktober 2020.

E pueblo di Boneiro nunca scoge pe cambio yama “entidat publico” o tambe yama “ munisipio special” . Por lo contrario, e habitantenan di Boneiro cu un NO abrumador a rechasa e status impone riba Boneiro, Saba y Sint Eustatius sin derecho igual den constitucion Hulandes.

E buki lo revela e atrosidatnan cometi contra nos pueblo do Boneiro, e desigualdat social, e opricion di nos derechonan, e suprecion di nos cultura riba Boneiro. Leynan impone, maneho y regulacionnan y impuesto cu a roba nan recursonan natural di cuminda y sobreviviensa y nan tera y tereno cu nan a hereda y cu empobresa nan. Bonerianonan , awor un poblacion reduci y desplaza, a bira minoria riba nan mes isla den menos cu un decada.

Ademas e buki lo sumarisa e trayectoria di pone Boneiro bek riba e lista di Teritorionan-Sin-Propio-Gobernacion di Nacionnan Uni cu a start na 2016 caminda cu James Finies como e prome Antiano cu a papia den Commite Special di Decolonisacion. Pasobra historia a mustra cu ta solamente dor expone esaki internacionalmente lo por libra nos pueblonan y garantisa e derecho di autodeterminacion na tur e colonianan Hulandes den Caribe, Sint Eustatius, Saba, Boneiro, Aruba, Curacao y Sint Maarten.