FILE - This Dec. 11, 2019 file photo shows J.K. Rowling, author of the "Harry Potter" book series, at the premiere of "Finding the Way Home" in New York. The author has launched an online initiative, www.harrypotterathome.com, which features quizzes, games and other activities. For the month of April, Rowling also has partnered with the audio publisher-distributor Audible and the library e-book supplier OverDrive for free audio and digital editions of the first Potter book, “Harry Potter and the Philosopher's Stone.” The U.S. edition is called “Harry Potter's and the Sorcerer's Stone”. (Photo by Evan Agostini/Invision/AP, File)

J.K. Rowling ta publicando un storia nobo yama ‘The Ickabog’, cu lo ta gratis pa lesa online pa yuda entretene mucha- y famianan cera na cas durante pandemia di coronavirus.

E autor di ‘Harry Potter’ a bisa ayera cu el a skirbi e storia pa su yiunan como un storia prome cu bay drumi mas cu un decada atras. Tumando luga den un pais imaginario, e ta un storia di su mes ‘tocante berdad y abuso di poder’ pa muchanan edad entre 7 pa 9 aña y no ta vincula na e otro bukinan di Rowling.

Rowling a bisa cu e draft di e storia a keda den su zolder mientras e tabata enfoca riba skirbi buki pa adulto. El a bisa cu su yiunan, awo adolescente, tabata entusiastico na momento cu el a sugeri recientemente pa recupera e storia y publica esaki gratis.

“Pa ultimo simannan mi ta sumergi den un mundo imaginario cu mi nunca a pensa mi lo bolbe atrobe. Mientras mi a traha pa termina e buki, mi a cuminsa lesa capitulo tur anochi na mi famia atrobe”, el a bisa. “E prome dos lesado di The Ickabog a bisa mi cu nan ta recorda e storia di tempo cu nan tabata chikito, y a exigi pa trece bek e partinan cu nan ta gusta (mi a complace).”

A post e prome dos capitulo online ayera, cu capitulonan diario na caminda te cu dia 10 di juli. E buki lo ser publica impreso e aña aki, y Rowling a bisa cu e lo haci donacion di e ganashi di su benta na proyectonan yudando esunnan mas afecta pa e pandemia.

LEAVE A REPLY

Please enter your comment!
Please enter your name here