Ayera Minister Otmar Oduber a trece informacion en corto dilanti pa loke ta mal informacion treci dilanti pa un grupo den medionan social.

Pa motibo cu tin hopi trabou tumando luga particularmente cu reglanan y leynan, comunidad ta poniendo mas y mas atencion na e aspectonan aki. Pa cual ta hopi importante pa informacion corecto wordo treci dilanti y pa gruponan no haci uzo di nan plataforma pa mal informa comunidad.

Segun e comunicado cu Bon Dia Aruba a ricibi, ta bisa cu un situacion recien ta esun di Bubali Plas, cual e organisacion Aruba Birdlife Conservation a expresa di tal forma cu ta duna impresion cu Gobierno lo bay privatisa Bubali Plas. Pa cual Minister Oduber a tuma e momento pa bisa cu absolutamente esaki no ta e caso. Al contrario, manera cu por mira riba e mapa di ROP 2019 – 2029, Bubali Plas y area ta indica (amplia) como area di naturalesa protegi cu no por wordo desaroya.

Locual cu Gobierno a menciona recientemente, ta cu e planta di Rioolwaterzuiveringsinstallaties (RWZI) cu ta cerca di Bubali Plas ta den un situacion sumamente deplorabel, y cu esey cierto momento ta pensando den direccion di privatisa esaki of independis’e for di Gobierno, den un fundacion of NV.

Mescos cu e problema di desperdicio, dump etc. e maneho di awa sushi tambe ta un problema latente. E planta di RWZI mester wordo renoba, mirando cu e ta bay haci 47 aña den servicio! Un planta cu ta paga 1.7 miyon florin pa aña na coriente, mientras cu e calidad no ta na e nivel cu ta desea y tin su peligernan grandi cual Gobierno ta reconoce. Pa cual a haci peticion na expertonan, TNO y fundacionnan internacional pa yega mas lihe posibel na e decision cu lo mester bay tuma. Den e simannan nos dilanti, lo tin mas informacion di esaki, Minister Oduber a finalisa.

 

LEAVE A REPLY

Please enter your comment!
Please enter your name here