Segun resumen di ayera, duna pa DVG, Aruba a registra 92 caso nobo di Covid-19, mientras cu 44 persona a recupera.

Di e 92 caso nobo, 3 no ta residente. E cantidad di caso activo a alcansa 1,520. Ayera a realisa 366 test, di cual 239 a wordo haci na laboratorio di hospital.

Ademas, a conoce dos morto mas pa Covid-19, loke ta trece e total di fayecido pa e malesa na Aruba na 22. Condolencia na e famia y sernan keri di e fayecidonan.

Tambe hospital a informa cu tin den total 35 persona interna. Di esakinan, 11 ta den unidad di cuido intensivo, y 24 ta isola riba piso general.

Cu e datonan mas recien aki, e cantidad di caso positivo total desde cuminsamento di e pandemia na Aruba a yega na 3,152. A test den total 26,399 persona, di cual 11,951 na aeropuerto. Di esakinan, 23,247 a sali negativo, mientras cu 1,610 persona a recupera.

 

LEAVE A REPLY

Please enter your comment!
Please enter your name here