Pdvsa ta firma acuerdo nobo cu empresa Ruso Rosneft

(EFE/lapatilla.com) – E empresa estatal Venezolano Petroleos de Venezuela (Pdvsa) a firma diasabra pasa acuerdonan den materia energetico y di gas cu e empresa petrolero Ruso Rosneft, asina gobierno di presidente Nicolás Maduro a informa.

Den un serie di mensahe publica riba Twitter, Pdvsa a indica cu e presidente di Rosneft, Igor Sechin, a seya acuerdo cu e ministro di Petroleo y hefe di e compania petrolero Venezolano, Manuel Quevedo, den presencia di e hefe di estado di e pais.

Aunke e ministronan ni e presidente Venezolano a ofrece declaracion, e canal estatal VTV a mustra imagennan di e reunion cu Sechin, Quevedo, Maduro y otro autoridadnan a tene.

Segun e agencia estatal AVN, e acuerdonan firma diasabra ta relaciona “cu bono entre Rosneft y Pdvsa, cu tambe ta socio den cinco empresa mixto: Petromonagas, S.A., Petromiranda, .S.A, Boquerón, S.A., Petroperijá S.A., y Petrovictoria.”

Despues e empresa Ruso a expresa den un comunicado cu Venezuela a asigna licencia na un unidad di Rosneft pa desaroya dos campo di gas riba lama.

Bao di e acuerdo, valido pa 30 aña, Grupo Rosneft  subsidiario di e empresa petrolero- lo opera e camponan di gas di Patao y Mejillones, y e empresa Ruso lo tin derecho di exporta henter e produccion.

E gobierno socialista di Venezuela a bira cada biaha mas den direccion di su aliado Rusia en busca di placa y credito. Pdvsa tin un debe di 6.000 miyon dollar cu Rosneft, di acuerdo cu e calculacion di e empresa Ruso na luna di augustus.

Luna pasa Venezuela a acorda un restructuracion di su debe cu gobierno Ruso, pero e compromiso no ta inclui e debe di Pdvsa cu Rosneft.

 

 

You May Also Like

A firma un amnistia pa mas di 3 mil ex-gueriyero di FARC

Presidente dI Colombia, Juan Manuel Santos a firma un decreto, caminda ta duna e ...

Venezuela: Escasez di medicamento a yega na 85%

Escasez di medicamento di cualkier tipo a keda na 85% den botica y centronan ...

Sur Korea: “Test nuclear di N. Korea por ta na caminda”

Autoridadnan di Sur Korea a informa cu Pyongyang por ta preparando su di seis ...

Tiramento na un scol na Florida cu varios morto y herido

Tabata tin un tiramento pisa na un scol secundario na Parkland, Florida (Stoneman Douglas ...

Menos progreso pa combati corupcion, Hulanda riba posicion 8

Transparency International a publica nan index di corupcion (AP) – Transparency International a publica ...

CQkdDQXW8AAaRdh.png

Piloto di American Airlines ta fayece durante vuelo

Un piloto di American Airlines a fayece durante un vuelo entre Phoenix pa Boston ...