Hues a dicta ayera mainta cu tur tres sospechoso den e caso Kinikini ta haya e straf cu fiscal a pidi. Marko Espinoza, periodista di 24ora, a declara na nos matutino cu di nan banda nan lo ta bayendo den hoger beroep cu e caso.

Pa Nelson ‘Speed’ Andrade ta cay 240 ora di ora comunitario, 3 luna di prizon condicional y 3 aña di prueba. Hues a declara cu fiscal a pidi un straf balansa pa e crimen cometi den e caso aki. Compara cu su hefe, Espinoza a haya 180 ora di servicio comunitario mientras e agente di fam Rasmijn a haya 240 ora di servicio comunitario y ta kit’e di trabou como medida adicional.

Periodista plania di bay hoger beroep
Den un reaccion na nos matutino, Espinoza a declara cu di nan banda ta bay purba hiba e caso den hoger beroep. “Nos abogado ta trahando riba un strategia”, Espinoza a splica. E apelacion pa bay hoger beroep lo ta basa riba e modo riba cual a haci e investigacion, cual segun defensa no tabata completamente imparcial.

Asina por corda un publicacion cu a aparece riba medionan social, cu un di e personanan cu a haci aangifte contra un di e periodistanan lo no a haci esaki pa rasonnan puro. Den e publicacionnan a haci mencion cu e persona en cuestion lo tabata priminti di haya un permiso a cambio di e declaracion.

 

LEAVE A REPLY

Please enter your comment!
Please enter your name here