Durante e ultimo lunanan, Oficina di Turismo A.T.A. a tene varios reunion virtual interno cu e ekipo di A.T.A. local como tambe internacional. Tambe a sostene reunionnan unda a papia di proyeccionnan y plannan pa 2021 cu socionan di turismo, cu Hunta di Supervision di A.T.A., como tambe cu AAA, AHATA y ATSA entre otro.

Esaki a conduci na entrega formal di e plan y presupuesto pa 2021naHunta di Supervision di A.T.A. riba28 di augustus 2020 y consecuentemente na Minister di Turismo riba 24 di september 2020.

Minister di Turismo a reconoce e strategia y empuhe continuo di parti di A.T.A. pa loke ta trata2020 y tambe pa loke ta delinea pa 2021. Hecho ta cu turismo a duna resultadonan record ultimo añanan y ta proyecta di cera 2020na un manera hopi mas modera. Ta reconoce e situacion insigur cu ta existi y e hecho cu esaki a conduci na un plan y presupuesto pa 2021 cu diferente ‘scenario’, incluso dos version di e presupuesto cu lo por utilisa den 2021. Cada un cu lo conduci na diferente logronan, un mas cu e otro.

Ronella Tjin Asjoe-Croes, CEO di Aruba Tourism Authority, a indica di ta satisfecho cu pa di 10añaconsecutivo a entrega e presupuesto conforme loke ley ta prescribi pa A.T.A. E proceso pa entrega e presupuesto ta tuma hopi luna di preparacion pa asina evalua y determina kico ta e miho strategia pa e aña cu ta sigui –esaki mas cu claro ta cuadra den e malchi mas amplio di e plan strategico pa Aruba su turismo tambe, conforme maneho nacional y conforme “Business Plan” di A.T.A.

Proyeccionnan 2021

Pa loke ta e 4 indicadornan principal nacional; pa 2021e plan cu ta carga como titulo e ‘Tourism Recovery Plan’ ta inclui como meta (compara cu 2019) un recuperacion di entre 45% pa 60% den ‘stay-over arrivals’ (turistanan di estadia) y un recuperacion di entre 45% y 60% den Tourism Credits (loke e turista ta laga directamente atras den nos economia). Tur dos compara cu 2019. Pa cu resultado di Average Daily Rate (ADR), ta spera di por recupera75% di locual a mira como resultado na 2019. E meta di turismo crucero ta pa esaki recupera cu entre 45% y 67% si compara cu e cifranan di 2019.

Ahustacionnan

E pandemia COVID-19 a cambia e scenario global completamente, unda e impacto riba e economia di Aruba ta hiba nos bek na fin di añanan ’80 pa comienso di ’90 pa loke ta turistanan di estadia pa nos isla. E presupuesto 2021 ta forma un parti integral di e ‘Tourism Recovery Plan’cual a wordo desaroya durante e lunanan cu Aruba su fronteranan tabata cera. E plan aki ta duna entre otro direccion strategico pa loke ta e esfuersonan pa mercado Aruba como tambe e ahustamento di e budget pa aña 2020 y aña 2021

E strategianan pa loke ta e mercado y comunicacion den e diferente mercadonan a wordo revisa y ahusta. Esaki ta tumando na cuenta con Aruba ta wordo profila/mercadea ey fo pa asina nos no perde e conexion cu nos bishitantenan potential y tampoco cu esunnan cu ya conoce Aruba caba.

Ademas, e enfoke primordial ta pa sigura loke ta vuelonan aereo pa nos isla y pa sostene inversionnan den mercadeo pa loke ta Aruba su mercado mas importante cu ta Norte America. Adicionalmente Aruba su strategia pa diversifica cu e mercadonan Europeo y Latino America ta continua.

A.T.A. a demostra su habilidad pa guia y Aruba den su posicion como un destinacion y como tal e posicion aki a pone cu Aruba a disfruta di e beneficionan di e industria di turismo y su bishitantenan. Actualmente Aruba ta nabega door di olanan halto pero hunto nos lo continua pa traha dinamicamente pa reconstrui nos industria di turismo.

Presupuesto 2021

Conforme presupuesto presenta pa 2021, A.T.A. su entrada operacional (revenues) lo ser uza primor dialmente pa mercadeo internacional y parti di esaki pa mehoracion di nos producto turistico.

Ronella Tjin Asjoe-Croes ta gradici y felicita e ekipo completo di A.T.A. cu a traha duro pa asina percura un biaha mas pa Aruba Tourism Authority por entrega un documento completo y bon balansa.

LEAVE A REPLY

Please enter your comment!
Please enter your name here