Home Deporte Prome competencia internacional di drone na Aruba

Prome competencia internacional di drone na Aruba

162

Den fin di siman a tuma luga e prome competencia internacional di drone. 

E competencia di drone tabata di FPV, esta First Personal View, asina Vince Irie, organisado di evento, a splica. E drone tin un camara y e competido tin un bril special pa asina aki nan por mira loke e drone ta mira. “Bo ta sinti manera bo ta den dje”, asina sr. Irie a expresa. A conta cu 4 participante di Hulanda, 8 di Aruba y 3 di Corsou.

Aunke e competencia tabata bayendo bon, segun e, e reto cu nan a topa cun’e tabata e biento fuerte di cual e dronenan paor a handle esaki. Aunke pe participantenan e parti fastioso di esaki tabata cu santo tabata bay den e control y no tabata manera na Hulanda unda cu awasero sa cay durante e competencia, pero nan a pasa un momento agradabel, e organisado ta bisa.

Esaki ta e prome competencia pero pa futuro ta kere cu lo tin participantenan hoben. “E problema ta pa bula drone racing ta basta dificil. Nan mester cuminsa cu e deporte y ta bulando pa un par di luna”, segun sr. Irie a splica. Lo ta algo great pa hobennan di Aruba cuminsa cu e deporte aki cu ta uno nobo, di cual ta manera un video game pero na luga di ta sinta den sala e persona lo ta bulando un drone den naturalesa.