Comision Organisado di SV Royal Power ta esunnan encarga pa organisa Copa Noord 2020 e aña aki. Copa Noord tur aña ta wordo organisa pa un ekipo miembro.

Na 2018 Tankileendert Giants a organisa Copa Noord unda Royal Power a titula campeon mientras na 2019 a toka turno na Kudawecha Redskins como organisador di Copa Noord unda Calabas Blue Jays a titula campeon. Den aña 2020 a toca turno bek na Royal Power Tat Fat Home Depot como organisado.

Ultimo aña cu Royal Power a organisa Copa Noord tabata na aña 2012 esta 8 aña pasa. Diamars 11 di Februari e ekiponan miembro a bini hunto pa reuni riba Copa Noord 2020. Un total di 8 ekipo lo participa den Copa Noord 2020 en espera di confirmacion di un ekipo mas. Inscripcion ta cera fin di Februari y no lo agrega ekipo despues di e fecha aki. E ekipo di Boroncana y Seroe Pela y vecindario esta Salbabo ta regresa den Copa Noord 2020 y CBN Eagles esta un team di hobennan di 18 aña di Centro di Bario Noord a inscribi nan equipo pa asina competi den Copa Noord 2020.

Ekiponan a scoge pa hunga sistema modifica “chata” como pitcheo oficial di Copa Noord 2020 mientras a yega na acuerdo cu cada ekipo por usa nan propio batenan pero maximo 4 bate pa ekipo, cual lo wordo controla pa organisadonan y lo pone sticker riba nan. Como reglamento di cas a stipula cu no lo permiti batenan Miken y Z1000 ni Z 2000. Atletanan ta inverti y ta gusta usa nan propio material basta tur ta cumpli cu reglamento y battinglist WBSC (World Baseball and Softball Confederation).

Ultimo diabierna di luna di mei of prome diabierna di luna di juni e torneo Copa Noord lo inicia cual lo wordo anuncia pronto y lo termina diadomingo 28 di Juni mientras Champ of the Champs ta programa pa ranca sali dialuna 29 di juni. Balanan aproba den e reunion pa Copa Noord ta bala HEINEKEN ‘cor’ 47 cual lo wordo usa. Alabes a stipula e fecha ultimo pa entrega lista di Copa Noord ta 30 di April durante apertura di campeonato oficial di ASB na veld di Dragon Hitters (Duracell). Pa prome biaha den historia lo hunga e playoff di Copa Noord estilo page system cual sala unanime a aproba. Pues Copa Noord ta den pleno preparacion y ta pidi ekiponan pa nan prepara pa hunto nos celebra un Copa Noord 2020 den gran forma.

LEAVE A REPLY

Please enter your comment!
Please enter your name here