Señora ta fayece despues di wordo maltrata fisicamente

Ayera a keda raporta un caso di un muhe cu lo a wordo maltrata severamente door di su pareha.

E señora Anuska Tromp di 48 aña tabata lucha pa su bida pero a fayece den ora di marduga awe, a consecuencia di e maltrata ricibi, segun e fuente ArubaNative.com ta raporta awe mainta. E fuenta ta bisa tambe cu e curpa a keda confisca.

Ya caba for di ayera tardi polis a bay over na detene e homber Roy Croes di 53 aña di edad. Segun otro fuentenan, e caso lo a tuma luga diadomingo mainta pa merdia na nan apartment cu ta keda na Pos Abao. E señora lo a ricibi basta sla na cabes, cuasando sangramento interno. Informacion cu ta circula ta bisa cu e homber na prome instante a bay hospital pero despues a regresa cas bek ora el a ripara e seridad di e caso. Eynan ta unda polis a bay over na detene.

Vocero di KPA Lito Lacle a informa cu polis no a ricibi e melding oficialmente como cu ta trata di un strafrechtelijk onderzoek. Nos a tuma contacto cu vocero di Ministerio Publico (OM) Ann Angela, kende a informa cu na e momento aki ta wardando riba e fiscal na warda pa asina duna informacion oficial.

Mas aki rato lo trece mas informacion di e noticia aki.

You May Also Like

Auto horta for di misa na Mahuma haya riba caminda principal

Diaranson anochi personanan a constata cu desconoci a horta un rav4 blanco for di ...

Problema grandi na casnan di pueblo Noord, tiro lo a cay

Diabierna anochi polisnan ta keda manda cu urgencia pa e casnan di pueblo na ...

polis

Autoridadnan ta pidi publico informacion riba tiramento fatal na Seroe Largoweg

Bao guia di Ministerio Publico, Cuerpo Policial di Aruba ta investigando morto fatal di ...

Accident na altura di Isla di Oro despues di Jouvert

Polis ta informa cu awe mainta 09.40 melding a drenta via Centrale Post cu ...

Truck carga cu cement y santo a kentel riba caminda na Shaba

Dialuna den careda di 12’or merdia un truck carga cu cement, santo y awa ...

Cantidad Polis (1).jpg

Falta di material na Scol di Polis

Minister di Husticia ta haci bishita na scol di polis y constata cu e ...