(DutchNews.nl) – Negociacionnan pa forma un gabinete nobo por complica mas ainda, despues cu e Cristian Democratanan ta cla pa vota na fabor di un mocion fuerte riba suicidio asisti pa personanan di edad avansa cu ta sinti cu nan bida ta completo, NRC a reporta ayera.

E conferencia anual di CDA ta tuma luga e weekend aki y tin suficiente sosten pa un mocion cu por sigura cu e partido ‘no por acorda ningun compromiso’ ora ta trata e asunto di yuda esnan mayor di 75 aña di edad kende a sinti cu nan a biba suficiente y kier muri.

D66 kier mira su propuesta di legislacion implementa pa e proximo gabinete. Y e deseo aki tabata suficiente pa sigura cu lider di e partido, Sigrid Kaag a descarta e grupo Cristian mas fundamentalista, ChristenUnie, como potencial partner den coalicion. “Si esaki ta e motibo pakico ChristenUnie no por ta parti di e gabinete, nos ta sorprendi cu D66 ta kere cu un compromiso cu CDA por ta posibel”, segun Job van Meijeren, un di e miembronan di CDA tras di e mocion, a bisa.

E mocion, cu ta conta cu sosten di liderazgo di CDA, ta declara cu e plan D66 ta incompatible cu e principionan di CDA.

VVD tin simpatia pa e propuesta di legislacion di D66 y e documento di posicion cu ambos partido a prepara e berano aki tabata inclui un compromiso pa duna hende e derecho pa ‘haci nan propio decision riba nan bida y nan morto’. Usualmente, ta duna parlamentarionan libertad pa vota riba asuntonan di etica medico, y esaki tambe ta e caso cu CDA. Johan Remkes, kende ta encarga di purba di trece hunto un gabinete nobo den seis luna desde cu esun actual a collapse, a adverti e partidonan cu nan mester stop di descarta otro como potencial partner. E opcion mas probabel na e momento actual ta un gabinete di minoria compuesto di VVD, D66 y CDA.

 

LEAVE A REPLY

Please enter your comment!
Please enter your name here