Den cuadro cu trabaonan tumando luga na Pos Chikito relaciona cu proyecto ”Green Corridor”, Bon Dia a papia cu varios habitante den e bario cual a remarca cu nan ta hayando hopi problema cu stof y cu ningun persona a acerca nan pa notifica of duna algun aviso di precausion of informacion.
”Abo ta e prome hende cu ta pasa kinan pa mira con ta bayendo cu nos manera habitante y mi por bisabo , ja, e ta fastioso. E proyecto aki por wel di tin hopi cos positivo cu ta bin for di dje pero no por laga afo e detayenan fastioso cu nos manera habitante akinan mester confronta tur dia” , un habitante ta conta Bon Dia. E habitante ta splica cu e molester di santo ta hopi fastioso y pa basta siman caba tin henter su cas te hasta paden yena di stof. E ta splica cu e situacion aki no ta higienico pa motibo cu stof den halto tur ora no ta saludabel. ”Aunkes cu e ta bay tin su voordeel, pero nos ta hinka den un nadeel si cu ningun hende a yega di pasa kinan y bisa nos , bo sa kico, tene cuenta cu nos ta bay haci tal y tal pa tanto tempo. E stof ta drenta cas e ta drenta tur parti y mi ta spera nan keda cla lihe pasobra e ta birando fastioso” , e habitante ta bisa. Bon Dia a papia cu varios otro habitante den e area y tambe a bishita 2 Speelschool cu ta situa eynan kende tambe no ta mucho contento cu tur e problema di stof cu nan ta confrontando actualmente.
Keda pendiente cu e siguiente edicion di Bon Dia pa e resto di informacion.
.jpg "Nadien Phillip: Come local y segun temporada ta duna mas balor nutritivo na consumido")
